అమెరికా-ఇరాన్ మధ్య తారాస్థాయికి చేరిన ఉద్రిక్తతలు.. ట్రంప్ కు వార్నింగ్ ఇచ్చిన ఖమేనీ

దిశ, వెబ్ డెస్క్: ఇరాన్ దేశంలో నెలకొన్న సంక్షోభం వేళ అమెరికా అధ్యక్షుడు ట్రంప్ జోక్యం చేసుకొవడం సంచలనంగా మారింది. దీంతో అమెరికా- ఇరాన్ మధ్య సంబంధాలు అత్యంత ప్రమాదకర స్థాయికి చేరుకున్నాయి. ఇరాన్‌లో ప్రభుత్వ వ్యతిరేక ఆందోళనలు ఉధృతమవుతున్న నేపథ్యంలో, అమెరికా అధ్యక్షుడు డొనాల్డ్ ట్రంప్ ఇరాన్ ప్రభుత్వానికి గట్టి హెచ్చరికలు జారీ చేశారు. "శాంతియుతంగా నిరసనలు తెలుపుతున్న ఆందోళనకారులకు గానీ, ప్రజలకు గానీ ఎలాంటి హాని తలపెట్టినా అమెరికా చూస్తూ ఊరుకోదు. తీవ్ర పరిణామాలు (సైనిక చర్యలు) ఎదుర్కోవాల్సి ఉంటుంది," అని ట్రంప్ స్పష్టం చేశారు. అమెరికా మిలిటరీని హై అలర్ట్‌లో ఉంచడం, మధ్యధరా సముద్రం వైపు నౌకాదళాన్ని మోహరించడం ఈ హెచ్చరికలకు బలాన్ని చేకూరుస్తోంది.

ట్రంప్‌పై ఖమేనీ ఆగ్రహం - వ్యంగ్య కార్టూన్ పోస్ట్

ట్రంప్ హెచ్చరికలపై ఇరాన్ సుప్రీం లీడర్ అయతుల్లా అలీ ఖమేనీ తీవ్రంగా స్పందించారు. ఆయన నేరుగా ట్రంప్ పేరును ప్రస్తావించకపోయినప్పటికీ, సోషల్ మీడియాలో ఒక వ్యంగ్య చిత్రాన్ని (Cartoon) పోస్ట్ చేశారు. ఆ చిత్రంలో ఒక వ్యక్తి (ట్రంప్ పోలికలతో) అహంకారంతో, గర్వంతో ప్రపంచం మొత్తాన్ని తన గుప్పిట్లో పెట్టుకుని శాసించాలని చూస్తున్నట్లుగా ఉంది. "అహంకారం తలకెక్కిన పాలకులు పతనానికి దగ్గరవుతారు" అనే అర్థం వచ్చేలా ఖమేనీ వ్యాఖ్యానించారు. అమెరికా బెదిరింపులకు ఇరాన్ భయపడదని ఆయన తేల్చిచెప్పారు.

ఇజ్రాయెల్‌కు ముప్పు - హై అలర్ట్

పరిస్థితిని మరింత జఠిలం చేస్తూ ఇరాన్ మరో సంచలన ప్రకటన చేసింది. "ఒకవేళ అమెరికా మాపై (ఇరాన్‌పై) ఎలాంటి సైనిక దాడికి దిగినా, మా ప్రతిదాడి అమెరికాపై మాత్రమే కాదు, వారి మిత్రదేశమైన ఇజ్రాయెల్‌పై కూడా ఉంటుంది," అని ఇరాన్ మిలిటరీ హెచ్చరించింది. ఇజ్రాయెల్ నగరాలే తమ లక్ష్యమని పేర్కొంది. ఈ హెచ్చరికల నేపథ్యంలో ఇజ్రాయెల్ అప్రమత్తమైంది. ఇజ్రాయెల్ ప్రధాని నెతన్యాహు ఉన్నత స్థాయి భద్రతా సమావేశాన్ని నిర్వహించి, సరిహద్దుల్లో రక్షణ వ్యవస్థలను (Air Defense Systems) మోహరించారు.

READ MORE ....

నాటోను కాపాడింది నేనే.. ఆపదలో వారు అండగా ఉంటారో లేదో: ట్రంప్

సంచలన పరిణామం.. తనను తాను వెనిజూలా తాత్కాలిక అధ్యక్షుడిగా ప్రకటించుకున్న డొనాల్డ్ ట్రంప్