ఇరాన్ రెక్క‌లు విరిచేశాం..ఇక‌పై నో సీజ్‌ఫైర్ : ట్రంప్

దిశ‌, వెబ్ డెస్క్‌: ఇరాన్ దేశంతో జరుగుతున్న యుద్ధంపై అమెరికా అధ్యక్షుడు డొనాల్డ్ ట్రంప్ కీలక ప్రకటన చేశారు. ఇరాన్ దేశాన్ని పూర్తిగా నాశనం చేస్తున్నామని.. ఇలాంటి సమయంలో సీజ్ ఫైర్ (Ceasefire) అవసరం లేదని పేర్కొన్నారు ట్రంప్. ఇరాన్ తో యుద్ధంలో సీజ్ ఫైర్ పై తనకు ఏ మాత్రం ఆసక్తి లేదని క్లారిటీ ఇచ్చారు. చర్చలు ఇరాన్ తో జరపవచ్చు, కానీ కాల్పుల విరమణ ఒప్పందం చేసుకోవాలని తాను అనుకోవడంలేదని కుండబద్దలు కొట్టి చెప్పారు. అవతలి పక్షాన్ని నాశనం చేస్తున్నప్పుడు మనకు సీజ్ ఫైర్ అవసరం లేదని ట్రంప్ సంచలన వ్యాఖ్యలు చేశారు.

ఇరాన్ కు సంబంధించిన నేవీ, వైమానిక దళాలను ఫినిష్ చేసినట్లు తెలిపారు. అసలు వారి ద‌గ్గ‌ర ఎలాంటి పరికరాలు లేవని తాజాగా మీడియాతో వెల్లడించారు. అమెరికా అనుకుంటే ఇప్పుడే యుద్ధాన్ని ముగించగలదని స్పష్టం చేశారు. ఇరాన్ పై ఐదు ప్రధాన లక్ష్యాల‌పై అమెరికా విజయం సాధించిందని తెలిపారు. హార్ముజ్ జలసంధి ( Strait of Hormuz) మార్గాన్ని ఉపయోగించుకునే దేశాలే ఇకపై భద్రత బాధ్యతలను స్వీకరించాలని ఆయన తెలిపారు. ఇరాన్ నుంచి భవిష్యత్తులో ఎదురయ్యే ముప్పును తిప్పికొట్టేందుకు అమెరికా సిద్ధంగా ఉన్నట్లు ప్రకటించారు ట్రంప్.

శత్రువుల కళ్లు బైర్లుకమ్మే దెబ్బ కొట్టాం: సుప్రీం లీడర్ మొజ్తబా ఖమేని