ఆ హీరోయిన్తో ప్రేమ.. రెండో పెళ్లిపై లోకేష్ కనగరాజ్ రియాక్షన్ ఇదే!
కోలీవుడ్ సక్సెస్ఫుల్ డైరెక్టర్ లోకేష్ కనగరాజ్(Lokesh Kanagaraj) గురించి ఎంత చెప్పినా తక్కువే.
దిశ, సినిమా: కోలీవుడ్ సక్సెస్ఫుల్ డైరెక్టర్ లోకేష్ కనగరాజ్(Lokesh Kanagaraj) గురించి ఎంత చెప్పినా తక్కువే. యంగ్ హీరోలతో, స్టార్స్తో భారీ ప్రాజెక్ట్స్ తెరకెక్కిస్తూ.. తీరిక లేకుండా గడుపుతున్నారు. చేసినవి కొన్ని సినిమాలే అయినా, బాక్సాఫీస్ దగ్గర వందల కోట్లు కొల్లగొడుతూ పాన్ ఇండియా లెవల్లో పాపులర్ అయ్యారు. తమిళ హీరోలతోనే కాకుండా పాన్ ఇండియా హీరోలతో కూడా సినిమాలు చేస్తున్నారు. ప్రస్తుతం ఐకాన్ స్టార్ అల్లు అర్జున్(Allu Arjun)తో ‘AA-23’ వంటి భారీ ప్రాజెక్ట్లు ప్లాన్ చేస్తూ బిజీగా ఉన్న లోకేష్, తన వ్యక్తిగత జీవితంపై వస్తున్న పుకార్లకు చెక్ పెట్టారు. గత కొద్దికాలంగా లోకేష్ ఒక స్టార్ హీరోయిన్తో ప్రేమలో ఉన్నారని, త్వరలోనే ఆమెను పెళ్లి చేసుకోబోతున్నారనే వార్తలు వైరల్ అవుతున్నాయి.
తాజాగా, ఓ ఈవెంట్లో పాల్గొన్న లోకేష్ స్పందించి స్ట్రాంగ్ కౌంటర్ ఇచ్చారు. దీనిపై ఒక ఈవెంట్లో యాంకర్ ప్రశ్నించగా.. లోకేష్ తనదైన శైలిలో స్పందించారు. ‘‘నా మీద చాలా రూమర్స్ వచ్చాయి, కేవలం ఒక హీరోయిన్తోనే కాదు, చాలామందితో ముడిపెట్టారు. నాకు ఇప్పటికే ఒక కుటుంబం ఉంది. నేను ఫ్యామిలీ మ్యాన్ని’’ అని క్లారిటీ ఇచ్చారు. అయితే యాంకర్ కొంచెం ఎగతాళిగా ‘మరి రెండో ఫ్యామిలీ ఆలోచన లేదా?’ అని అడగ్గా, లోకేష్ సీరియస్గా ‘‘నేను సమాధానం చెప్పను’’ అంటూ అక్కడి నుంచి వెళ్ళిపోయారు. అలాగే తన సినిమాల్లో డ్రగ్స్ ఎక్కువగా చూపిస్తారనే విమర్శలపైనా ఆయన క్లారిటీ ఇచ్చారు.
‘‘నేను డ్రగ్స్ను కీర్తించట్లేదు.. మాదకద్రవ్యాలు లేని సమాజం కోసమే సినిమాల్లో వాటి వల్ల జరిగే నష్టాలను చూపిస్తున్నాను. అయినా సరే, ఇకపై డ్రగ్స్ కాన్సెప్ట్తో చేయను. అలా చేయడం వల్ల సమాజంలో మార్పు వస్తుందంటే నాకు అంతకంటే కావాల్సింది ఏముంది’’ అని చెప్పుకొచ్చారు. కాగా.. ఓ వైపు దర్శకుడిగా.. ఇండస్ట్రీలో సత్తా చాటుతున్న లోకేష్ హీరోగా ఇండస్ట్రీకి ఎంట్రీ ఇవ్వబోతున్న విషయం తెలిసిందే. ప్రస్తుతం ‘డీసీ’చిత్రంతో ఫుల్ బిజీగా ఉన్నారు.
