అక్కినేని అభిమానులకు గుడ్ న్యూస్.. సమ్మర్ స్పెషల్‌గా రాబోతున్న ‘లెనిన్’ మూవీ

దిశ, సినిమా: అక్కినేని వారసుడిగా సినీ రంగ ప్రవేశం చేసిన అఖిల్‌(Akkineni Akhil)కి ఎంట్రీ మాత్రం గ్రాండ్‌గా జరిగినా, కెరీర్ ట్రాక్ మాత్రం ఊహించినంత స్మూత్‌గా సాగలేదు. ఎన్నో ఆశలతో చేసిన సినిమాలు ఆశించిన ఫలితాన్ని ఇవ్వకపోవడం, ముఖ్యంగా ‘ఏజెంట్’ రూపంలో వచ్చిన భారీ ఫ్లాప్ అతని కెరీర్‌కు బ్రేక్ వేసింది. ఆ దెబ్బతో అఖిల్ కొంతకాలం సినిమాలకు దూరంగా ఉండాల్సి వచ్చింది. అయితే ఇప్పుడు సైలెంట్‌గా ప్లాన్ చేసుకున్న పవర్‌ఫుల్ రీ-ఎంట్రీకి అఖిల్ రెడీ అవుతున్నాడు. అతని ఆశలన్నీ రాయలసీమ మాస్ వాతావరణంలో తెరకెక్కుతున్న ‘లెనిన్’ (Lenin)మీదే పెట్టుకున్నాడు. ఈ సినిమాకు ‘వినరో భాగ్యము విష్ణు కథ’తో గుర్తింపు తెచ్చుకున్న మురళీ కిషోర్ అబ్బూరు(Murali Kishore Abburu) దర్శకత్వం వహిస్తుండగా.. ఇందులో భాగ్యశ్రీ బోర్సే హీరోయిన్‌గా నటిస్తోంది.

అన్నపూర్ణ స్టూడియోస్ బ్యానర్‌పై పక్కా కమర్షియల్ ఎంటర్‌టైనర్‌గా ఈ సినిమా రూపుదిద్దుకుంటోంది. ఇక ఈ మూవీకి మరింత బజ్ తీసుకొస్తున్న అంశం ఏంటంటే.. ఇందులో కింగ్ నాగార్జున కీలక పాత్రలో కనిపించనున్నారనే విషయం హాట్ టాపిక్‌గా మారింది. ఇప్పటికే ‘బంగార్రాజు’లో నాగచైతన్యతో మెప్పించిన నాగ్, ఇప్పుడు అఖిల్‌తో స్క్రీన్ షేర్ చేయనున్నారనే వార్తలు అభిమానుల్లో భారీ ఎగ్జైట్మెంట్ క్రియేట్ చేస్తున్నాయి. ఈ వార్త సోషల్ మీడియాలో దుమ్మురేపుతోంది. ఈ హైప్‌ను మరింత పెంచుతూ.. సంక్రాంతి సందర్భంగా.. ‘లెనిన్’ టీమ్ బిగ్ సర్‌ప్రైజ్ ఇచ్చింది. సమ్మర్ స్పెషల్‌గా మేడు నాడు రిలీజ్ కాబోతుందని అనౌన్స్ చేస్తూనే, ఎనర్జీతో నిండిన ‘వారెవా వారెవా’ సాంగ్‌ను రిలీజ్ చేశారు.

Read More..

నేల ఉన్నచోట బతుకు.. సంప్రదాయం ఉన్నచోట బలం ఉంటుంది.. ఇంట్రెస్టింగ్‌గా సంబరాల ఏటిగట్టు పోస్టర్