నేను పెళ్లి చేసుకోకపోవడానికి అజయ్ దేవగన్ కారణం.. అసలు విషయం బయటపెట్టి షాకిచ్చిన టబు

దిశ, సినిమా: సీనియర్ నటి టబు(tabu) 50 ఏళ్లకు పైగా వయసు వచ్చినప్పటికీ ఇప్పటికీ పెళ్లి చేసుకోకుండా ఒంటరి జీవితమే గడుపుతున్న సంగతి తెలిసిందే. అయితే, తాను ఇంకా సింగిల్‌గా ఉండడానికి కారణం బాలీవుడ్ స్టార్ హీరో అజయ్ దేవగన్(Ajay Devgn) అని సరదాగా చేసిన వ్యాఖ్యలు చర్చనీయాంశంగా మారాయి. తాజాగా, ఓ ఇంటర్వ్యూలో పాల్గొన్న టబు తన వ్యక్తిగత జీవితానికి సంబంధించిన ఆసక్తికర విషయాలతో పాటు అజయ్ దేవగన్‌తో ఉన్న పాత స్నేహాన్ని గుర్తు చేసుకున్నారు. తనకు కేవలం 14 ఏళ్లు ఉన్నప్పటి నుంచే అజయ్ దేవగన్‌ను తెలుసునని టబు తెలిపారు. ఆ రోజుల్లో అజయ్ దేవగన్ తన కజిన్ సమీర్ ఆర్యతో కలిసి తనపై కాస్త అతిగా నిఘా పెట్టేవారని చెప్పారు.

తనతో మాట్లాడేందుకు లేదా దగ్గరవడానికి ప్రయత్నించిన అబ్బాయిలను వాళ్లిద్దరూ కలిసి భయపెట్టి పంపించేవారని ఆమె గుర్తు చేసుకున్నారు. “వాళ్ల భయంతో అప్పట్లో ఎవరూ నా దగ్గరకు రాలేకపోయారు. అందుకే నేను ఈరోజు ఇలా ఒంటరిగా మిగిలిపోయాను. అజయ్ తాను చేసిన పనికి ఇప్పటికైనా బాధపడతాడని ఆశిస్తున్నాను” అంటూ టబు చెప్పుకొచ్చింది. అయితే, అజయ్ దేవగన్ తన జీవితంలో ఎంతో నమ్మకమైన స్నేహితుడని, ఒక దశలో తనకు సరైన పెళ్లి సంబంధం చూడమని కూడా అతనిని అడిగినట్లు టబు వెల్లడించారు. ఈ వ్యాఖ్యలు సరదాగా చేసినవైనా, అజయ్ దేవగన్‌తో టబుకు ఉన్న అనుబంధాన్ని స్పష్టంగా చూపిస్తున్నాయి. టబు చేసిన కామెంట్స్ సోషల్ మీడియాలో చర్చకు దారితీస్తున్నాయి. ప్రస్తుతం పెళ్లిపై ఎలాంటి ఆలోచనలు లేకపోయినా, వరుస సినిమాలతో టబు తన కెరీర్‌లో మాత్రం బిజీగా కొనసాగుతున్నారు.

Read More..

ఇద్దరు పిల్లలు ఉన్నా.. మూడో మొగుడు కావాలంటా.. హీరోయిన్‌పై దుమ్మెత్తిపోస్తున్న నెటిజన్లు