రాజకీయాల్లోకి నటి త్రిష.. హీరో విజయ్ టీవీకే పార్టీలో చేరిక..?

దిశ, వెబ్ డెస్క్: తమిళనాడు అసెంబ్లీ ఎన్నికలు దగ్గరపడుతున్న వేళ.. కీలక పరిణామం చోటు చేసుకోనున్నట్లు తెలుస్తోంది. తమిళ సినిమా ఇండస్ట్రీలో కీలక నటిగా ఉన్న త్రిష రాజకీయాల్లోకి రాబోతున్నట్లు వార్తలు వస్తున్నాయి. ఈ క్రమంలో త్రిష సీఎం అవ్వాలని ఉందంటూ మాజీ సీఎం చేసిన వ్యాఖ్యలు వైరల్ అవుతున్నాయి. అలాగే ఆమె 2004లో ఇచ్చిన ఒక పాత ఇంటర్వ్యూలో సరదాగా మాట్లాడుతూ.. "భవిష్యత్తులో సీఎం అవ్వాలని ఉందా?" అని అడిగిన ప్రశ్నకు, ఆమె నవ్వుతూ "అవును, మరో పదేళ్లలో అవుతాను, చూస్తూ ఉండండి" అని సమాధానం ఇచ్చారు. 2026 అసెంబ్లీ ఎన్నికల నేపథ్యంలో విజయ్ TVK (తమిళగ వెట్రి కళగం) పార్టీని స్థాపించడంతో, ఆ పాత ఇంటర్వ్యూ ఇప్పుడు మళ్లీ తెరపైకి వచ్చింది. అయితే, త్రిష తన రాజకీయ ఎంట్రీ పై గానీ, పార్టీలో చేరడం పై గానీ ఇప్పటివరకు ఎటువంటి అధికారిక ప్రకటన చేయలేదు.

విజయ్-సంగీత విడాకుల ఇష్యూ

టీవీకే అధ్యక్షుడు విజయ్ తన భార్య సంగీత తో విడాకులు తీసుకోబోతున్నారనే వార్తలు గత కొంతకాలంగా వినిపిస్తున్నాయి. సంగీత ఇప్పటికే చెంగల్పట్టు ఫ్యామిలీ కోర్టులో విడాకుల పిటిషన్ దాఖలు చేసింది. ఈ కేసులో కోర్టు బయట సెటిల్మెంట్ కోసం విజయ్ దాదాపు ₹250 కోట్ల భారీ భరణం (Alimony) ఆఫర్ చేసినట్లు ప్రచారం జరుగుతున్న విషయం తెలిసిందే.

విజయ్-త్రిష వివాహ పుకార్లు

మార్చి 5, 2026 న చెన్నైలో జరిగిన ఒక ప్రముఖ నిర్మాత కుమారుడి పెళ్లి రిసెప్షన్‌కు విజయ్, త్రిష కలిసి హాజరు కావడం సోషల్ మీడియాలో పెద్ద దుమారం రేపింది. సంగీత విడాకుల పిటిషన్ వేసిన కొద్ది రోజులకే వీరు బహిరంగంగా కలిసి కనిపించడంతో, త్వరలోనే వీరు వివాహం చేసుకోబోతున్నారని గాసిప్స్ బలపడ్డాయి. దీనికి తోడు త్రిష కొత్త సినిమాలకు సైన్ చేయడం లేదని, TVK పార్టీ కార్యక్రమాల్లో విజయ్‌కు అండగా ఉండబోతున్నారని చర్చ నడుస్తోంది. ఈ వార్తలపై త్రిష, విజయ్ స్పందించకపోవడంతో తీవ్ర చర్చ జరుగుతోంది.

నీ భార్య బాధను ఇసమంతైనా పట్టించుకోవా.. విజయ్, త్రిష రిలేషన్‌పై సనమ్ శెట్టి సంచలన పోస్ట్