మార్చి 30 వరకు తెలంగాణ బడ్జెట్ సమావేశాలు

దిశ, వెబ్‌డెస్క్: తెలంగాణ రాష్ట్ర శాసనసభ బడ్జెట్ సమావేశాల నిర్వహణపై రాష్ట్ర ప్రభుత్వం కీలక నిర్ణయం తీసుకుంది. 2026-27 ఆర్థిక సంవత్సరానికి సంబంధించిన ఈ సమావేశాలను మార్చి 16 నుండి మార్చి 30వ తేదీ వరకు నిర్వహించాలని బీఏసీ సమావేశంలో నిర్ణయించారు. నేడు(మార్చి 16) ఉభయ సభలను ఉద్దేశించి గవర్నర్ శివ ప్రతాప్ శుక్లా ప్రసంగంతో సమావేశాలు ప్రారంభమయ్యాయి. మార్చి 17, 18న గవర్నర్ ప్రసంగానికి ధన్యవాదాలు తెలిపే తీర్మానంపై చర్చ మరియు ముఖ్యమంత్రి సమాధానం ఉంటుంది. మార్చి 19న ఉగాది పండుగ సందర్భంగా అసెంబ్లీకి సెలవు ఇస్తారు. మార్చి 20వ తేదీన ఉప ముఖ్యమంత్రి మరియు ఆర్థిక మంత్రి మల్లు భట్టి విక్రమార్క అసెంబ్లీలో రాష్ట్ర వార్షిక బడ్జెట్‌ను ప్రవేశపెడతారు. మార్చి 23 నుండి వివిధ శాఖల పద్దులపై చర్చలు ప్రారంభమవుతాయి. మార్చి 30వ తేదీన బడ్జెట్ ఆమోదం పొందిన అనంతరం సభ నిరవధికంగా వాయిదా పడుతుంది.

ప్రజా సమస్యలే అజెండాగా..

ఈ పక్షం రోజుల పాటు సాగే సమావేశాల్లో ప్రభుత్వం పలు కీలక బిల్లులను ప్రవేశపెట్టనుంది. ముఖ్యంగా ఆరు గ్యారంటీలు, రైతు భరోసా, మూసీ ప్రక్షాళన మరియు హైదరాబాద్ మెట్రో విస్తరణ వంటి అంశాలపై సభలో వాడివేడి చర్చ జరిగే అవకాశం ఉంది. ప్రజా సమస్యలను పరిష్కరించడమే లక్ష్యంగా ఈ సమావేశాల కాలాన్ని మార్చి నెలాఖరు వరకు పొడిగించాలని ప్రభుత్వం భావిస్తోంది.

తెలంగాణ అసెంబ్లీలో 'వందేమాతరం' రగడ: ఎంఐఎం వాకౌట్.. బీజేపీ ఎమ్మెల్యేల తీవ్ర ఆగ్రహం

అసెంబ్లీలో వందేమాతరం గీతాలాపన.. ఎంఐఎం ఎమ్మెల్యేల వాకౌట్!