మల్లారెడ్డి మార్క్ డ్యాన్స్: 'దురంధర్' పాటకు స్టెప్పులేసిన మాజీ మంత్రి!

దిశ, వెబ్‌డెస్క్: రాజకీయాల్లో అయినా, పబ్లిక్ ఫంక్షన్లలో అయినా తనదైన వాక్చాతుర్యంతో, ఉత్సాహంతో అందరినీ ఆకట్టుకునే బీఆర్ఎస్ నేత, మాజీ మంత్రి మల్లారెడ్డి మరోసారి సోషల్ మీడియాలో సెన్సేషన్‌గా మారారు. తన 50వ వివాహ వార్షికోత్సవ (Golden Jubilee Wedding Anniversary) వేడుకల్లో ఆయన చేసిన డ్యాన్స్ ఇప్పుడు నెట్టింట వైరల్ అవుతోంది. బోయిన్‌పల్లిలోని మల్లారెడ్డి నివాసంలో అత్యంత వైభవంగా జరిగిన ఈ వేడుకకు కుటుంబ సభ్యులు, ఆత్మీయులు మరియు రాజకీయ ప్రముఖులు హాజరయ్యారు. వేడుక మధ్యలో అందరినీ ఆశ్చర్యపరుస్తూ.. బాలీవుడ్ నటుడు రణ్‌వీర్ సింగ్ నటించిన సూపర్ హిట్ చిత్రం దురంధర్ పాటకు మల్లారెడ్డి అద్భుతంగా నృత్యం చేశారు.

70 ఏళ్ల వయసులో కూడా కుర్రాళ్లకు పోటీ ఇచ్చేలా ఆయన వేసిన స్టెప్పులు చూసి అతిథులంతా కేరింతలు కొట్టారు. ముఖ్యంగా పాటలోని బీట్‌కు అనుగుణంగా ఆయన తనదైన సిగ్నేచర్ మూమెంట్స్‌తో అలరించారు. మల్లారెడ్డి డ్యాన్స్ చేస్తున్న సమయంలో ఆయన సతీమణి కల్పనమ్మ కూడా చిరునవ్వుతో ఆయనను ఉత్సాహపరిచారు. "మల్లారెడ్డి అంటేనే ఒక ఎనర్జీ.. ఆయన డ్యాన్స్ చూస్తుంటే 50 ఏళ్ల క్రితం నాటి మల్లారెడ్డిని చూస్తున్నట్లు ఉంది" అంటూ అభిమానులు సోషల్ మీడియాలో కామెంట్స్ కురిపిస్తున్నారు. వీడియో

'రాను బొంబాయికి రాను'.. మల్లారెడ్డి కోడలు మాస్ డ్యాన్స్ వైరల్!