లోక్‌సభ ముందుకు 'అణుశక్తి నియంత్రణ బిల్లు

దిశ, వెబ్ డెస్క్: కేంద్ర శాస్త్ర సాంకేతిక రంగాల సహాయ మంత్రి జితేంద్ర సింగ్ బుధవారం లోక్‌సభలో 'ద సస్టైనబుల్ హార్నెసింగ్ అండ్ అడ్వాన్స్‌మెంట్ ఆఫ్ న్యూక్లియర్ ఎనర్జీ ఫర్ ట్రాన్స్‌ఫార్మింగ్ ఇండియా బిల్లు, 2025'**ను ప్రవేశపెట్టనున్నారు. ఈ బిల్లు ద్వారా కేవలం విద్యుత్ ఉత్పత్తికే కాకుండా.. ఆరోగ్యం, వ్యవసాయం, పరిశ్రమలు, పర్యావరణ పరిరక్షణ వంటి కీలక రంగాల్లో అణుశక్తిని అయోనైజింగ్ రేడియేషన్‌ను సురక్షితంగా ఉపయోగించుకోవాలని ప్రభుత్వం లక్ష్యంగా పెట్టుకుంది. అణుశక్తి వినియోగంలో పటిష్టమైన నియంత్రణ వ్యవస్థను ఏర్పాటు చేస్తూనే, దేశాభివృద్ధిలో దాని పాత్రను పెంచేందుకు ఈ చట్టం ఎంతో కీలకం కానుంది.

'వికసిత్ భారత్ - గ్యారెంటీ ఫర్ రోజ్‌గార్ అండ్ అజీవిక మిషన్ బిల్లు

అదేవిధంగా కేంద్ర మంత్రి శివరాజ్ సింగ్ చౌహాన్ 'వికసిత్ భారత్ - గ్యారెంటీ ఫర్ రోజ్‌గార్ అండ్ అజీవిక మిషన్ (గ్రామీణ) బిల్లు, 2025'ను సభలో ప్రవేశపెట్టనున్నారు. 'వికసిత్ భారత్ @2047' దార్శనికతకు అనుగుణంగా రూపొందించిన ఈ బిల్లు, ప్రతి గ్రామీణ కుటుంబానికి ఒక ఆర్థిక సంవత్సరంలో 125 రోజుల ఉపాధికి చట్టబద్ధమైన హామీని కల్పిస్తుంది. అన్-స్కిల్డ్ మాన్యువల్ పనుల ద్వారా గ్రామీణ ప్రాంతాల్లో ఉపాధిని మెరుగుపరచడమే కాకుండా, గ్రామీణ భారతంలో శ్రేయస్సు, సాధికారతను పెంపొందించడం ఈ బిల్లు ప్రధాన ఉద్దేశ్యం. ఈ రెండు ప్రధాన బిల్లులతో పాటు లోక్‌సభలో ప్రశ్నలు, కమిటీ నివేదికలు, ఇతర శాసనపరమైన అంశాలతో నేటి ఎజెండా బిజీగా ఉండనుంది.

Read More... ఆస్పత్రి బెడ్ పై టీమిండియా క్రికెటర్.. ఫోటో వైరల్

భార‌త ఆతిథ్యానికి మెస్సీ ఫిదా.. సోష‌ల్ మీడియాలో ఇంట్రెస్టింగ్ పోస్ట్