తమిళనాడులో కూటమి సమీకరణాలు.. కాంగ్రెస్‌కు రాజ్యసభ సీటు కేటాయించిన టీవీకే

దిశ, వెబ్‌డెస్క్: తమిళనాడు పాలిటిక్స్‌లో రాజ్యసభ ఎన్నికల సందడి మొదలైంది. సీఎం విజయ్ నేతృత్వంలోని తమిళగ వెట్రి కళగం (TVK) పార్టీ, తమ కూటమిలో భాగస్వామిగా ఉన్న కాంగ్రెస్ పార్టీకి రాజ్యసభ సీటును కేటాయిస్తున్నట్లుగా అధికారికంగా ప్రకటించింది. ఈ మేరకు పార్టీ అధినేత విజయ్ సంతకంతో కూడిన ఓ అధికారిక ప్రకటనను ఇవాళ సాయంత్రం విడుదల చేశారు. అయితే, ఈ నెల 18న తమిళనాడు నుంచి ఖాళీ అవుతున్న రాజ్యసభ (Rajya Sabha) స్థానాలకు ఎన్నికలు జరగనున్నాయి. ఈ ఎన్నికల్లో తమిళగ వెట్రి కళగం నాయకత్వంలోని కూటమి తరఫున పోటీ చేసేందుకు మిత్రపక్షమైన కాంగ్రెస్ పార్టీకి ఓ స్థానాన్ని (Rajya Sabha Seat) కేటాయించాలని నిర్ణయించారు. తమిళనాడులో రాబోయే ఎన్నికల వ్యూహాల్లో భాగంగా విజయ్ నేతృత్వంలోని టీవీకే, కాంగ్రెస్ పార్టీల మధ్య కుదిరిన ఈ సీట్ల సర్దుబాటు రాజకీయ వర్గాల్లో ఆసక్తికర చర్చకు దారితీస్తోంది.

మమతకు మరో షాక్‌.. టీఎంసీ రెబల్‌కు ప్రతిపక్ష నేత హోదా!