చరిత్ర తిరగరాసే యోధుడు.. గూస్‌బంప్స్ తెప్పిస్తున్న ‘స్వయంభు’ టీజర్‌

దిశ, సినిమా: యంగ్ అండ్ టాలెంటెడ్ హీరో నిఖిల్ సిద్ధార్థ్(Nikhil Siddharth) వరుస విజయాలతో దూసుకుపోతున్నారు. ముఖ్యంగా 'కార్తికేయ 2' సినిమాతో పాన్ ఇండియా స్థాయిలో గుర్తింపు తెచ్చుకున్న ఆయన, ఇప్పుడు తన రేంజ్‌ను మరింత పెంచుకునేలా ‘స్వయంభు’ (Swayambhu)అనే చారిత్రక యుద్ధ గాథతో ప్రేక్షకుల ముందుకు రాబోతున్నారు. భరత్ కృష్ణమాచారి దర్శకత్వంలో అత్యంత భారీ బడ్జెట్‌తో తెరకెక్కుతున్న ఈ సినిమా టీజర్ తాజాగా విడుదలై, సోషల్ మీడియాలో సెన్సేషన్ క్రియేట్ చేస్తోంది. ఈ టీజర్ చూస్తుంటే ఇది కేవలం ఒక సినిమా మాత్రమే కాదు, ఒక విజువల్ వండర్ అని అర్థమవుతోంది. టీజర్ ప్రారంభం నుండే భారీ యుద్ధ సన్నివేశాలతో విజువల్ వండర్‌గా అనిపిస్తోంది. యుద్ధ భూమిలోని సన్నివేశాలు, రక్తపాతం, శత్రువుల గుండెల్లో వణుకు పుట్టించేలా నిఖిల్ చేసే కత్తి సాము ఫ్యాన్స్‌కు గూస్‌బంప్స్ తెప్పిస్తున్నాయి.

ముఖ్యంగా “ఒక్క ప్రాణం కూడా కోల్పోకుండా యుద్ధం నిలవదు కృష్ణ” అనే డైలాగ్ ఈ సినిమా కథలోని గాంభీర్యాన్ని, నిఖిల్ పాత్రలోని తీవ్రతను చూపిస్తోంది. యుద్ధం అంటే కేవలం గెలవడం మాత్రమే కాదు, ప్రాణ త్యాగం కూడా అని చెప్పే ప్రయత్నం ఇందులో కనిపిస్తోంది. 3Dలో విడుదలైన ఈ టీజర్ అంయనాలను పెంచుతోంది. కాగా.. ఈ సినిమాలో నిఖిల్ సరసన సంయుక్త మీనన్, నభా నటేష్ హీరోయిన్లుగా నటిస్తున్నారు. సంయుక్త ఒక రాకుమారి పాత్రలో కనిపిస్తుండగా, నభా నటేష్ కూడా చాలా కాలం తర్వాత ఒక పవర్‌ఫుల్ రోల్‌లో మెరవబోతోంది. టీజర్‌లో చూపించిన లొకేషన్లు, కాస్ట్యూమ్స్, బ్యాక్‌గ్రౌండ్ స్కోర్ సినిమాను హాలీవుడ్ స్థాయిలో తీర్చిదిద్దినట్లు అనిపిస్తోంది. రవి బస్రూర్ అందించిన మ్యూజిక్ ప్రతి ఫ్రేమ్‌ను ఎలివేట్ చేసింది. విజువల్ ఎఫెక్ట్స్ (VFX) నాణ్యత చాలా బాగుండటం వల్ల ప్రేక్షకులు ఒక కొత్త ప్రపంచంలోకి వెళ్లిన అనుభూతిని కలుగుతోంది.

‘స్వయంభు’సినిమాను జాగ్రత్తగా ఒళ్లు దగ్గర పెట్టుకుని చేశాను.. నిఖిల్ సంచలన కామెంట్స్