ఆ స్టార్ హీరోనే నా లక్కీ చార్మ్.. నేను ఇండస్ట్రీలో ఉండటానికి అతనే కారణం.. షాకింగ్ విషయం చెప్పిన మృణాల్

దిశ, సినిమా: బాలీవుడ్ స్టార్ రణ్‌వీర్ సింగ్ బాక్సాఫీస్ వద్ద సృష్టిస్తున్న ప్రభంజనం అంతా ఇంతా కాదు. ఆయన నటించిన లేటెస్ట్ సెన్సేషన్ 'ధురంధర్ 2' ఏకంగా 1000 కోట్ల క్లబ్‌లో చేరి భారతీయ సినీ చరిత్రలోనే సరికొత్త రికార్డును నెలకొల్పింది. ఈ సినిమా ఘనవిజయం సాధించడం పట్ల హీరోయిన్ మృణాల్ ఠాకూర్ ఎంతో సంతోషాన్ని వ్యక్తం చేసింది. తాజాగా ఓ పాడ్‌కాస్ట్‌లో పాల్గొన్న మృణాల్, రణ్‌వీర్ సింగ్‌తో తనకున్న ప్రత్యేక అనుబంధాన్ని పంచుకుని అందరినీ ఆశ్యర్యపరిచింది. "రణ్‌వీర్ నా లక్కీ చార్మ్. అసలు నేను ఈ ఇండస్ట్రీలో ఉన్నానంటే దానికి కారణం ఆయనే. కెరీర్ మొదట్లో రణ్‌వీర్‌తో కలిసి ఒక హెయిర్ బ్రాండ్ కమర్షియల్ యాడ్‌లో నటించాను. ఆ యాడ్ టీవీల్లో వచ్చిన తర్వాతే ఫిల్మ్ మేకర్స్ నన్ను నోటీస్ చేయడం మొదలుపెట్టారు. అలా నాకు అవకాశాలు రావడానికి కారణమైన రణ్‌వీర్ అంటే నాకు ఎంతో గౌరవం. ఆయన ఎంతో పాజిటివ్ పర్సన్, ఈ సక్సెస్‌కు పూర్తి అర్హుడు" అని చెప్పుకొచ్చింది. 'ధురంధర్ 2' సినిమాలో రణ్‌వీర్ నటన గురించి మృణాల్ ఆకాశానికెత్తేసింది.

"స్క్రీన్ మీద నాకు రణ్‌వీర్ సింగ్ కనిపించలేదు. కేవలం 'హమ్జా' పాత్ర మాత్రమే కనిపించింది. అంత డెప్త్ ఉన్న క్యారెక్టర్‌ను ఆయన అద్భుతంగా పండించారు. రణ్‌వీర్ చేసే ప్రతి సినిమా బ్లాక్ బస్టర్ అవ్వాలని నేను కోరుకుంటున్నాను" అని ప్రశంసించింది. ఇక మార్చి 19న విడుదలైన 'ధురంధర్ 2', మొదటి పార్ట్‌కు మించి సక్సెస్ సాధించింది. ఫస్ట్ భాగంలో ఇండియన్ స్పై గా పాకిస్థాన్ అండర్ వరల్డ్‌లోకి వెళ్లి ఉగ్రవాద నెట్‌వర్క్‌ను కూల్చే రణ్‌వీర్, ఈ సీక్వెల్‌లో హమ్జా అలీ మజారీగా ఎలా మారాడు అనే ఫ్లాష్ బ్యాక్, తర్వాతి పరిణామాలను అద్భుతంగా చూపించారు. రణ్‌వీర్ సింగ్‌తో పాటు అర్జున్ రాంపాల్, ఆర్. మాధవన్, సంజయ్ దత్ వంటి స్టార్స్ ఉండటంతో ఈ సినిమా బాక్సాఫీస్ దగ్గర కాసుల వర్షం కురిపిస్తోంది. ఇక ఇందులో రణ్‌వీర్‌కు జోడీగా నటించిన సారా అర్జున్ సినిమా మొత్తానికి హైలెట్‌గా నిలవడం విశేషం.

ఇబ్బంది పెట్టినందుకు మృణాల్‌కు క్షమాపణ చెప్పిన సుమంత్.. ఆసక్తికర కామెంట్స్ వైరల్