ఇబ్బంది పెట్టినందుకు మృణాల్కు క్షమాపణ చెప్పిన సుమంత్.. ఆసక్తికర కామెంట్స్ వైరల్
సీతారామం సినిమాలో విష్ణు శర్మ పాత్ర సీతమ్మకు సారీ చెప్పే ఒక భావోద్వేగమైన సీన్ ఉంది. కానీ మూవీ నిడివిని తగ్గించే క్రమంలో ఎడిటర్ ఆ సీన్ను తీసేశారు.
దిశ, సినిమా: టాలీవుడ్లో సరికొత్త రికార్డులు సృష్టించిన 'సీతారామం' ఎంతటి క్లాసిక్ హిట్టో మనందరికీ తెలిసిందే. ఆ సినిమాలో సీతమ్మను వెతుక్కుంటూ వచ్చి, తన నెగెటివ్ పాత్రతో ఆమెను ముప్పుతిప్పలు పెట్టిన విష్ణు శర్మ పాత్రలో సుమంత్ జీవించేశాడు. అయితే, తెర మీద మృణాల్ను అంతగా ఇబ్బంది పెట్టిన సుమంత్.. ఇప్పుడు నిజజీవితంలో ఆమెకు క్షమాపణలు చెప్పడం సినిమా సోషల్ మీడియాలో హాట్ టాపిక్గా మారింది. అడివి శేష్, మృణాల్ ఠాకూర్ కాంబోలో వస్తున్న ‘డెకాయిట్’ ప్రీ రిలీజ్ ఈవెంట్లో సుమంత్ ఒక ఆసక్తికరమైన విషయాన్ని వెల్లడించారు. "సీతారామం సినిమాలో విష్ణు శర్మ పాత్ర సీతమ్మకు సారీ చెప్పే ఒక భావోద్వేగమైన సీన్ ఉంది. కానీ మూవీ నిడివిని తగ్గించే క్రమంలో ఎడిటర్ ఆ సీన్ను తీసేశారు. అప్పటి నుంచి నాలో ఒక చిన్న అసంతృప్తి మిగిలిపోయింది. ఆ పాత్ర పరంగా మృణాల్కు కనీసం సారీ కూడా చెప్పలేకపోయానే అని చాలాసార్లు అనుకున్నాను" అని సుమంత్ చెప్పుకొచ్చారు. మృణాల్కు ఆ సారీని ఎలాగైనా చెప్పాలనుకున్న సుమంత్, దానికి ఒక స్పెషల్ మార్గాన్ని ఎంచుకున్నారు.
"డెకాయిట్ సినిమాలో హీరోయిన్ కోసం చూస్తున్నప్పుడు మృణాల్ పేరును నేనే స్వయంగా రికమండ్ చేశాను. అలా ఆమెకు ఒక మంచి ప్రాజెక్టును సజెస్ట్ చేయడం ద్వారా నా మనసులో ఉన్న ఆ చిన్నపాటి బాధను తీర్చుకున్నాను. ఆ విధంగా నా సారీని మృణాల్కు చెప్పగలిగాను" అంటూ నవ్వుతూ చెప్పారు. సీతారామం తర్వాత సుమంత్, మృణాల్ కలిసి నటిస్తున్న సినిమా కావడంతో ‘డెకాయిట్’ పై భారీ అంచనాలు నెలకొన్నాయి. ఈ పాన్ ఇండియా యాక్షన్ డ్రామాలో అడివి శేష్ పవర్ఫుల్ లుక్లో కనిపిస్తుండగా, మృణాల్ తన అభినయంతో ఆకట్టుకోనుంది. సుమంత్ కూడా ఈ సినిమాలో ఒక కీలకమైన పాత్రను పోషిస్తుండటం విశేషం. ఏప్రిల్ 10న విడుదల కాబోతున్న ఈ చిత్రం బాక్సాఫీస్ దగ్గర ఎలాంటి వండర్స్ క్రియేట్ చేస్తుందో వేచి చూడాలి.
