యుగాల నాటి రహస్యాలు.. ఊహకందని శక్తి ‘SDT-19’ ప్రకటనతోనే హైప్ పెంచిన మూవీ మేకర్స్
యుగాల రహస్యాలు.. ఊహకు అందని శక్తి.. ఒక కొత్త పౌరాణిక శక్తి ఉదయిస్తోంది అంటూ మేకర్స్ ఇచ్చిన క్యాప్షన్, సినిమాపై అంచనాలను ఆకాశానికి ఎత్తేసింది.
దిశ, సినిమా: టాలీవుడ్ సెన్సేషనల్ హిట్ ‘విరూపాక్ష’ తర్వాత కాస్త విరామం తీసుకున్న మెగా హీరో సాయి దుర్గ తేజ్, ఇప్పుడు వరుస పెట్టి క్రేజీ ప్రాజెక్టులను లైన్లో పెడుతున్నారు. ఇప్పటికే ‘సంబరాల ఏటిగట్టు’ షూటింగ్లో బిజీగా ఉన్న ఆయన, తాజాగా తన 19వ సినిమాకు సంబంధించి అఫీషియల్ అప్డేట్ ఇచ్చి అందరినీ ఆశ్చర్యపరిచారు. ఈ భారీ చిత్రాన్ని ‘క’ సినిమాతో ఓవర్ నైట్ స్టార్ డైరెక్టర్లుగా మారిన సుజిత్-సందీప్ తెరకెక్కిస్తుండటం విశేషం. ఈ సినిమా ‘SDT-19’ వర్కింట్ టైటిల్తో రాబోతుంది. ఈ చిత్రం అనౌన్స్మెంట్ సందర్భంగా విడుదల చేసిన పోస్టర్ చూస్తుంటే, సాయి దుర్గ తేజ్ ఏదో పెద్ద ప్రయోగాన్నే చేస్తున్నట్లు కనిపిస్తోంది. ఒక యోధుడి గెటప్లో, చేతిలో భారీ కత్తి పట్టుకుని కొండపై నిలబడి అడవి వైపు సీరియస్గా చూస్తున్న తేజ్ లుక్ సోషల్ మీడియాను షేక్ చేస్తోంది. ‘‘యుగాల రహస్యాలు.. ఊహకు అందని శక్తి.. ఒక కొత్త పౌరాణిక శక్తి ఉదయిస్తోంది’’ అంటూ మేకర్స్ ఇచ్చిన క్యాప్షన్, సినిమాపై అంచనాలను ఆకాశానికి ఎత్తేసింది. షైన్ స్క్రీన్స్, అర్చన ప్రజెంట్స్, విజయదుర్గ ప్రొడక్షన్స్ బ్యానర్లపై సాహు గారపాటి ఈ చిత్రాన్ని అత్యంత ప్రతిష్టాత్మకంగా నిర్మిస్తున్నారు. ‘క’ సినిమాతో సరికొత్త మిస్టరీని వెండితెరపై ఆవిష్కరించిన సుజిత్-సందీప్, ఇప్పుడు సాయి దుర్గ తేజ్ను ఎలా చూపిస్తారో అన్న క్యూరియాసిటీ అభిమానుల్లో పెరిగిపోయింది. విరూపాక్ష లాంటి బ్లాక్ బస్టర్ తర్వాత మళ్లీ ఒక డిఫరెంట్ జోనర్లో తేజ్ రాబోతుండటంతో బాక్సాఫీస్ వద్ద మరోసారి పూనకాలు ఖాయమనిపిస్తోంది. ఈ విషయం తెలుసుకున్న అభిమానులు ఫుల్ ఖుషీ అవుతున్నారు.
