ఇరాన్-అమెరికా యుద్ధంపై ఆర్జీవీ షాకింగ్ రియాక్షన్.. ఎవరు గెలిస్తే ఆ మతంలోకి మారతానంటూ పోస్ట్

దిశ, సినిమా: ప్రస్తుతం ప్రపంచం మొత్తం ఇజ్రాయెల్(Israel), అమెరికా(America)- ఇరాన్(Iran) మధ్య జరుగుతున్న యుద్ధాన్ని చూసి వణికిపోతోంది. ఎప్పుడు ఏ మిస్సైల్ వచ్చి పడుతుందో, ఏ డ్రోన్ దాడి జరుగుతుందో అని భయం భయంగా గడుపుతున్న సమయంలో, వివాదాస్పద దర్శకుడు రామ్ గోపాల్ వర్మ(Ram Gopal Varma) మాత్రం తనదైన స్టైల్లో స్పందించి పెద్ద దుమారమే రేపారు. ఈ యుద్ధాన్ని ఆయన కేవలం దేశాల మధ్య గొడవగా చూడకుండా, దానికి ఏకంగా మతపరమైన రంగు పులిమేశారు. ఈ మేరకు ఆయన చేసిన ఒక ట్వీట్ ఇప్పుడు సోషల్ మీడియాలో సెన్సేషన్‌గా మారింది. ‘‘అమెరికా-ఇరాన్ మధ్య జరుగుతున్న ఈ యుద్ధం నిజానికి జీసస్, అల్లా మధ్య జరుగుతున్న ఫైట్ లాంటిది. ఈ యుద్ధంలో ఎవరు గెలిస్తే నేను ఆ మతంలోకి మారిపోతాను’’ అంటూ షాకింగ్ పోస్ట్ చేశారు.

అమెరికాలో క్రైస్తవ మతం ప్రధానంగా ఉండటం, ఇరాన్ పూర్తిగా ఇస్లామిక్ దేశం కావడంతో వర్మ ఈ రెండు దేశాల యుద్ధాన్ని దేవుళ్ల మధ్య పోరాటంగా అభిప్రాయపడ్డారు. ఎప్పుడూ తాను నాస్తికుడిని, తనకు ఏ దేవుడి మీద నమ్మకం లేదని చెప్పే వర్మ, ఇప్పుడు ఏకంగా మతం మారుతానని అనడం అందరినీ ఆశ్చర్యపరిచింది. ఈ ట్వీట్ చూసిన నెటిజన్లు వర్మపై తీవ్రంగా మండిపడుతున్నారు. ప్రపంచం అంతా యుద్ధ భయంతో, ప్రాణనష్టంతో బాధపడుతుంటే.. ఇలాంటి సమయంలో కూడా మీకు జోకులు, అటెన్షన్ కావాలా అంటూ విమర్శలు గుప్పిస్తున్నారు. మరికొందరు మాత్రం ఇది కేవలం వర్మ పబ్లిసిటీ స్టంట్ అని, ఆయనను పట్టించుకోవాల్సిన అవసరం లేదని కొట్టిపారేస్తున్నారు. ఏది ఏమైనా, ప్రపంచవ్యాప్తంగా నెలకొన్న సీరియస్ పరిస్థితుల మీద వర్మ చేసిన ఈ హాట్ కామెంట్స్ ప్రస్తుతం టాలీవుడ్‌తో పాటు సోషల్ మీడియాలోనూ పెద్ద చర్చకు దారితీశాయి.

Toxic release postponed: యుద్ధం ఎఫెక్ట్: ‘టాక్సిక్’ సినిమా విడుదల వాయిదా.. కొత్త తేదీ ప్రకటిస్తూ యష్ షాకింగ్ పోస్ట్