ఇంతటి మధురమైన క్షణాల వేళ నా విజయం సంతోషానిచ్చింది.. రష్మిక ఎమోషనల్ పోస్ట్
హల్దీ ప్లస్ హోలీ.. ఆ రోజు మేము రంగుల్లో ఎంతగా తడిసిపోయామో ఇప్పటికీ నా జుట్టు ఎర్రగానే ఉంది. ఆ రంగు ఇంకా వదలడం లేదు.
దిశ, సినిమా: టాలీవుడ్ మోస్ట్ అడోరబుల్ కపుల్ విజయ్ దేవరకొండ, రష్మిక మందన్న పెళ్లి ముచ్చట్లు సోషల్ మీడియాలో ఇంకా తగ్గడం లేదు. ఫిబ్రవరి 26న రాజస్థాన్లోని ఉదయ్పూర్లో అత్యంత వైభవంగా, సన్నిహితుల మధ్య వీరి వివాహం జరిగిన సంగతి తెలిసిందే. పెళ్లి జరిగి రెండు వారాలు గడుస్తున్నా, రష్మిక తన పెళ్లి వేడుకలకు సంబంధించిన ఒక్కో మధుర జ్ఞాపకాన్ని అభిమానులతో పంచుకుంటూ నెట్టింట రచ్చ చేస్తోంది. తాజాగా రష్మిక తన హల్దీ వేడుకలకు సంబంధించిన కొన్ని క్రేజీ ఫోటోలను ఇన్స్టాగ్రామ్లో షేర్ చేసింది. ఈ వేడుకను కేవలం హల్దీలా కాకుండా హోలీ పండుగలా సెలబ్రేట్ చేసుకున్నామని ఆమె చెప్పుకొచ్చింది. "హల్దీ ప్లస్ హోలీ.. ఆ రోజు మేము రంగుల్లో ఎంతగా తడిసిపోయామో ఇప్పటికీ నా జుట్టు ఎర్రగానే ఉంది.
ఆ రంగు ఇంకా వదలడం లేదు" అంటూ ఆనాటి సరదా క్షణాలను గుర్తు చేసుకుంటూ ఎమోషనల్ అయ్యింది. ఈ పోస్ట్లో తన భర్త విజయ్ను ముద్దుగా 'విజ్జూ' అని పిలుస్తూ రష్మిక చేసిన కామెంట్స్ ఫ్యాన్స్ను ఆకట్టుకుంటున్నాయి. హల్దీ వేడుకల్లో భాగంగా జరిగిన ఆటల్లో తన 'బ్రైడ్ టీమ్' విజయం సాధించిందని, ఆ సమయంలో విజయ్ కూడా తన టీమ్ వైపే ఉండి టీమ్ బ్రైడ్ అనిపించుకున్నాడని ఫన్నీగా రాసుకొచ్చింది. ఫోటోల్లో వీరిద్దరి మధ్య ఉన్న కెమిస్ట్రీ చూస్తుంటే కళ్ల ముందే ఒక అందమైన కావ్యం కనిపిస్తోందని నెటిజన్లు కామెంట్స్ చేస్తున్నారు. రష్మిక షేర్ చేసిన పిక్స్ చూసి విజయ్-రష్మిక ఫ్యాన్స్ ఫుల్ ఖుషీ అవుతున్నారు. ఉదయ్పూర్ ప్యాలెస్లో జరిగిన ఈ రాయల్ వెడ్డింగ్కు సంబంధించిన మరిన్ని ఫోటోల కోసం అందరూ ఆసక్తిగా ఎదురుచూస్తున్నారు.
నా హార్ట్ బ్రేక్ చేసి ఆ అబ్బాయి వెళ్లిపోయాడు కానీ కర్మ వదిలిపెట్టదు.. బ్రేకప్పై రీతూ చౌదరి సంచలన పోస్ట్
