నా హార్ట్ బ్రేక్ చేసి ఆ అబ్బాయి వెళ్లిపోయాడు కానీ కర్మ వదిలిపెట్టదు.. బ్రేకప్పై రీతూ చౌదరి సంచలన పోస్ట్
నేను ప్రాణం కంటే ఎక్కువగా ప్రేమించాను, కేర్ తీసుకున్నాను. కానీ చివరకు మిగిలింది అవమానం, మోసం మాత్రమే .
దిశ, సినిమా: బుల్లితెర నటి, బిగ్బాస్ ఫేమ్ రీతూ చౌదరి తన వ్యక్తిగత జీవితంలో ఎదురైన చేదు అనుభవాలను తలచుకుంటూ సోషల్ మీడియా వేదికగా ఎంతో ఎమోషనల్ అయ్యారు. గతంలో వ్యాపారవేత్త శ్రీకాంత్తో ప్రేమాయణం, పెళ్లి ప్రకటన చేసిన రీతూ, ఆ తర్వాత ఊహించని విధంగా విడిపోవాల్సి వచ్చింది. అయితే ఈ బ్రేకప్ వెనుక ఉన్న అసలు కారణాలను, ఆ సమయంలో తను అనుభవించిన నరకాన్ని వివరిస్తూ ఓ ఎమోషనల్ పోస్ట్ పెట్టారు. తను ఎంతో నిజాయితీగా ప్రేమించానని, ఆ బంధం కోసం పరితపించానని రీతూ ఆవేదన వ్యక్తం చేశారు. "నేను ప్రాణం కంటే ఎక్కువగా ప్రేమించాను, కేర్ తీసుకున్నాను. కానీ చివరకు మిగిలింది అవమానం, మోసం మాత్రమే.
ఆ బంధం కోసం నేను అడుక్కున్నాను, డిప్రెషన్లోకి వెళ్ళాను. కానీ ఆ అబ్బాయి మాత్రం చాలా ఈజీగా మూవ్ ఆన్ అయిపోయాడు. పైగా ఒకప్పుడు ఫ్రెండ్ అని పిలిచిన అమ్మాయితోనే వెళ్ళిపోయాడు" అంటూ తన గుండె కోతను బయటపెట్టారు. స్నేహం కూడా ఆయుధంగా మారి తనను దెబ్బతీసిందని ఆమె వాపోయారు. ఈ సమాజం అమ్మాయిలను ఎంత ఈజీగా జడ్జ్ చేస్తుందో చెబుతూ రీతూ ఘాటు వ్యాఖ్యలు చేశారు. ఒక అమ్మాయి డబ్బు కోసం, చీప్ అటెన్షన్ కోసం తనపై లేనిపోని ఆరోపణలు చేసి సమాజం ముందు బ్యాడ్ చేసిందని, అయినా తాను మౌనంగానే ఉన్నానని తెలిపారు. "నేను సైలెంట్గా ఉన్నానంటే అది నా బలహీనత కాదు.
ఫైట్ చేసే ఓపిక లేనప్పుడు నిశ్శబ్దమే బలం అవుతుంది. నిజం తెలియకుండా అందరూ రూమర్స్, ఆరోపణలు నమ్ముతారు కానీ నా బాధని ఎవరూ చూడరు" అని ఎమోషనల్ అయ్యారు. ఇన్ని అవమానాలు, మోసాలు ఎదురైనా తన ఫ్యామిలీ కోసం, కెరీర్ కోసం ముఖంపై చిరునవ్వుతో ముందుకు సాగుతున్నట్లు రీతూ పేర్కొన్నారు. ఒక అమ్మాయిని ఇంకో అమ్మాయి ఇంతలా నాశనం చేస్తుందని తాను ఊహించలేదని, అయితే తాను దేవుడిని, కర్మను నమ్ముతానని, అందుకే ప్రతిదాన్ని భరిస్తూ మౌనంగా ఉంటున్నానని స్పష్టం చేశారు. ప్రస్తుతం రీతూ చేసిన ఈ కామెంట్స్ సోషల్ మీడియాలో విపరీతంగా వైరల్ అవుతున్నాయి.
Nikita Sharma: పేరుకు సీరియల్ నటి.. అందాల ఆరబోతలో నో కాంప్రమైజ్
