సంక్రాంతికి థియేటర్‌లో నవ్వుల పండుగ.. ‘మన శంకర వరప్రసాద్ గారు’ రివ్యూ

దిశ, సినిమా: మెగాస్టార్ చిరంజీవి(Chiranjeevi), అనిల్ రావిపూడి(Anil Ravipudi) కాంబోలో తెరకెక్కించిన “మన శంకర వరప్రసాద్ గారు” ఈ సంక్రాంతికి పక్కా ఫ్యామిలీ ఎంటర్టైనర్‌గా నిలిచింది. సెక్యూరిటీ అడ్వైజర్ శంకర వరప్రసాద్ (చిరంజీవి), బిజినెస్ ఉమెన్ శశిరేఖ (నయనతార) మధ్య జరిగిన పెళ్లి, విడాకులు.. ఆ తర్వాత ప్రసాద్ తన కుటుంబాన్ని ఎలా దక్కించుకున్నాడు అనే పాయింట్‌తో కథ సరదాగా సాగుతుంది. సినిమాలో మెగాస్టార్ నుంచి ఆశించే వింటేజ్ కామెడీ టైమింగ్, మాస్ మేనరిజమ్స్ అదిరిపోగా, ఫస్టాఫ్‌లో వచ్చే బుల్లిరాజు ఎపిసోడ్స్ ప్రేక్షకులను కడుపుబ్బ నవ్విస్తాయి. ఇక సెకండాఫ్‌లో మైనింగ్ మొఘల్ వెంకీ గౌడగా విక్టరీ వెంకటేష్(Victory Venkatesh) ఎంట్రీ ఇవ్వడంతో సినిమా స్థాయి మారిపోతుంది; ముఖ్యంగా చిరు-వెంకీ ఇద్దరూ కలిసి ఒకరి పాటలకు ఒకరు డాన్స్ చేస్తూ, డైలాగులు పేల్చుతుంటే థియేటర్లలో ఈలలు మోత మోగుతాయి. అనిల్ రావిపూడి తన గత సినిమాల కంటే బెటర్ స్క్రీన్ ప్లేతో ఎక్కడా బోర్ కొట్టకుండా, సుత్తి లేకుండా జాగ్రత్త పడ్డారు.

భీమ్స్ అందించిన మాస్ సాంగ్స్, బ్యాక్ గ్రౌండ్ స్కోర్ సినిమాకి పెద్ద బలంగా నిలిచాయి. నయనతార తన పాత్రలో హుందాతనాన్ని క్యారీ చేయగా, సచిన్ ఖేడేకర్, అభినవ్ గోమఠం తమ రోల్స్‌తో మెప్పించారు. కథ పరంగా పెద్దగా కొత్తదనం లేకపోయినా, సెకండాఫ్‌లో కొన్ని సీన్లు కొంచెం సాగదీసినట్లు అనిపించినా.. మెగాస్టార్-వెంకీ మామల క్రేజీ కాంబినేషన్ హిలేరియస్ కామెడీ సీన్లు ప్రేక్షకులను ఆకట్టుకున్నాయి. మొత్తానికి, ఎలాంటి లాజిక్కులు వెతకకుండా ఈ పండుగకి కుటుంబం అంతా కలిసి హాయిగా నవ్వుకోవడానికి ‘మన శంకర వరప్రసాద్ గారు’ ఒక పర్ఫెక్ట్ ఛాయిస్ అని చెప్పొచ్చు. ఈ సినిమాపై నెటిజన్లు ప్రశంసలు కురిపించడంతో పాటు పక్కా బ్లాక్ బస్టర్ హిట్ అవుతుందని నెట్టింట రచ్చ చేస్తున్నారు. మొత్తానికి అనిల్ రావిపూడి సంక్రాంతి సెంటిమెంట్ మెగాస్టార్‌కు కలిసొచ్చేలా ఉంది. అయితే ఈ సినిమా మొత్తానికి 3.5 రేటింగ్‌తో బాక్సాఫీసు వద్ద దూసుకుపోతుంది.

READ MORE .....

ఫుల్ ఫ్యామిలీ ఎంటర్టైనర్.. ‘మన శంకర వరప్రసాద్ గారు’ థియేటర్ల వద్ద మహిళల హంగామా!