ఇట్స్ అఫీషియల్.. ఓటీటీలోకి రాబోతున్న ‘డెకాయిట్’.. ఎన్ని భాషల్లో స్ట్రీమింగ్ కాబోతుందంటే?

దిశ, సినిమా: టాలీవుడ్ యంగ్ అండ్ టాలెంటెడ్ హీరో అడివి శేష్, బాలీవుడ్ బ్యూటీ మృణాల్ ఠాకూర్ జంటగా నటించిన లేటెస్ట్ రొమాంటిక్ యాక్షన్ థ్రిల్లర్ ‘డెకాయిట్’. భారీ అంచనాల మధ్య ఏప్రిల్ 10న థియేటర్లలోకి వచ్చిన ఈ సినిమా, బాక్సాఫీస్ వద్ద ఘనవిజయాన్ని అందుకోవడమే కాకుండా ప్రేక్షకులను, విమర్శకులను సైతం మెప్పించింది. అడివి శేష్ మార్క్ థ్రిల్లింగ్ ఎలిమెంట్స్‌కు తోడు మృణాల్ గ్లామర్ ఈ సినిమాకు ప్రధాన ఆకర్షణగా నిలిచాయి. షానిల్ డియో దర్శకత్వంలో తెరకెక్కిన ఈ చిత్రంలో అనురాగ్ కశ్యప్, అతుల్ కులకర్ణి, సునీల్, ప్రకాష్ రాజ్ మరియు జైన్ మేరీ ఖాన్ వంటి దిగ్గజ నటులు కీలక పాత్రలు పోషించారు. అన్నపూర్ణ స్టూడియోస్ సమర్పణలో సుప్రియ యార్లగడ్డ నిర్మించిన ఈ చిత్రం, అడివి శేష్ కెరీర్‌లోనే హయ్యెస్ట్ ఓపెనింగ్ కలెక్షన్స్ సాధించిన సినిమాగా రికార్డు సృష్టించింది. కేవలం తెలుగులోనే కాకుండా విడుదలైన అన్ని భాషల్లోనూ ‘డెకాయిట్’ మంచి లాభాలను తెచ్చిపెట్టింది.

థియేటర్లలో సందడి చేసిన నెల రోజులకే ఈ సినిమా ఇప్పుడు డిజిటల్ స్ట్రీమింగ్‌కు సిద్ధమైంది. ‘డెకాయిట్’ డిజిటల్ హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో భారీ ధరకు సొంతం చేసుకుంది. తాజా సమాచారం ప్రకారం, ఈ సినిమా మే 8 నుంచి ఓటీటీలో అందుబాటులోకి రానుంది. కేవలం తెలుగులోనే కాకుండా తమిళం, కన్నడ, మలయాళం, హిందీ భాషల్లో కూడా ఈ చిత్రం స్ట్రీమింగ్ కాబోతున్నట్లు అధికారిక ప్రకటన వచ్చేసింది. థియేటర్లలో ఈ సినిమాను మిస్ అయిన వారు లేదా మరోసారి ఈ రొమాంటిక్ యాక్షన్ థ్రిల్లర్‌ను ఎంజాయ్ చేయాలనుకునే వారు మే 8 నుంచి అమెజాన్ ప్రైమ్ వీడియోలో చూడొచ్చు. అడివి శేష్ నుంచి వచ్చిన ఈ పవర్‌ఫుల్ ‘డెకాయిట్’ కథ డిజిటల్ ప్లాట్‌ఫామ్‌పై కూడా అదే స్థాయిలో సెన్సేషన్ క్రియేట్ చేయడం ఖాయంగా కనిపిస్తోంది. మరి ఇంకెందుకు ఆలస్యం, మీ వీకెండ్ ప్లాన్స్‌లో డెకాయిట్‌ను చేర్చేసుకోండి!

ఆదర్శ కుటుంబం నుండి అదిరిపోయే అప్‌డేట్.. జెట్ స్పీడ్‌లో త్రివిక్రమ్