అవన్నీ హరీష్ శంకర్ కోసమే చేశా.. పొట్టి బట్టలు ధరించడంపై రాశీ ఖన్నా షాకింగ్ కామెంట్స్!
ఒక అమ్మాయి ఎలాంటి బట్టలు వేసుకోవాలనేది తన సొంత నిర్ణయం. తనకు ఏవి సౌకర్యంగా ఉంటే అవి వేసుకుంటుంది.
దిశ, సినిమా: పవర్ స్టార్ పవన్ కళ్యాణ్ నటిస్తున్న ‘ఉస్తాద్ భగత్సింగ్’ సినిమా గురించి హీరోయిన్ రాశీ ఖన్నా చేసిన కామెంట్స్ ఇప్పుడు సోషల్ మీడియాలో వైరల్ అవుతున్నాయి. మార్చి 19న ఉగాది పండుగ సందర్భంగా ఈ సినిమా విడుదల కాబోతోంది. ఈ క్రమంలో ఆమె ఇచ్చిన ఒక ఇంటర్వ్యూలో తన గ్లామర్ , బట్టల గురించి చాలా ఓపెన్గా మాట్లాడారు. ఈ సినిమాలో రాశీ ఖన్నా చాలా గ్లామరస్గా కనిపించబోతున్నారు. దీనిపై ఆమె స్పందిస్తూ.. "దర్శకుడు హరీష్ శంకర్ గారు నా క్యారెక్టర్ గురించి ముందే చెప్పారు. ఈ పాత్రకు గ్లామర్ చాలా అవసరమని, అందుకే షార్ట్స్ , స్కర్ట్స్ వేసుకోవాల్సి ఉంటుందని ఆయన వివరించారు. ఆయన మీద నాకు నమ్మకం ఉంది కాబట్టే నేను గ్లామర్ షో చేయడానికి ఒప్పుకున్నాను" అని చెప్పారు. బట్టల విషయంలో వచ్చే విమర్శలపై రాశీ గట్టిగా సమాధానం ఇచ్చారు.
"ఒక అమ్మాయి ఎలాంటి బట్టలు వేసుకోవాలనేది తన సొంత నిర్ణయం. తనకు ఏవి సౌకర్యంగా ఉంటే అవి వేసుకుంటుంది. ట్రెడిషనల్ బట్టలు వేసుకోవాలా లేక మోడ్రన్ డ్రెస్సులు వేసుకోవాలా అనేది తన ఇష్టం. దీని గురించి సంబంధం లేని వాళ్ళు ఎందుకు అభ్యంతరం చెబుతారో నాకు అర్థం కాదు" అని రాశీ ఘాటుగా ప్రశ్నించారు. ఇక ఈ కామెంట్స్కు కొందరు రాశీకి సపోర్ట్గా నిలుస్తుండగా.. మరికొందరు మాత్రం ఆమెపై మండిపడుతున్నారు. హరీష్ శంకర్ మార్క్ మాస్ ఎలిమెంట్స్తో వస్తున్న ఈ సినిమాలో స్టార్ హీరోయిన్ శ్రీలీల కూడా నటిస్తోంది. మైత్రీ మూవీ మేకర్స్ ప్రతిష్టాత్మకంగా నిర్మించిన ఈ చిత్రం మార్చి 19న విడుదల కానుంది. పవన్ కళ్యాణ్ పవర్ ఫుల్ పోలీస్ రోల్లో నటిస్తుండగా, రాశీ ఖన్నా గ్లామర్ ఈ మూవీకి అదనపు ఆకర్షణగా నిలవనుంది.
