‘తుంబాడ్-2’లో ఆలియా భట్ కీ రోల్!
సినిమాలోని ఒక మలుపు వద్ద ఆలియా పాత్ర ఎంతో కీలకంగా ఉంటుందని సమాచారం. దీనికి ఆలియా కూడా వెంటనే గ్రీన్ సిగ్నల్ ఇచ్చేశారట.
దిశ, సినిమా: భారతీయ చలనచిత్ర చరిత్రలోనే అత్యంత అద్భుతమైన హారర్ థ్రిల్లర్గా నిలిచిన ‘తుంబాడ్’ చిత్రానికి సీక్వెల్ రాబోతుండటం ఇప్పుడు సినీ వర్గాల్లో హాట్ టాపిక్గా మారింది. ‘తుంబాడ్ 2’ కోసం అభిమానులు ఎంతగానో ఎదురుచూస్తున్న వేళ, ఈ సినిమాకు సంబంధించి సెన్సేషనల్ అప్డేట్ బయటకు వచ్చింది. ఈ చిత్రంలో బాలీవుడ్ స్టార్ హీరోయిన్ ఆలియా భట్ నటించబోతున్నారనే వార్త ఇప్పుడు సోషల్ మీడియాను షేక్ చేస్తోంది. ఈ సీక్వెల్లో ఒక అత్యంత కీలకమైన పాత్ర కోసం మేకర్స్ ఆలియా భట్ను సంప్రదించినట్లు తెలుస్తోంది. సినిమాలోని ఒక మలుపు వద్ద ఆలియా పాత్ర ఎంతో కీలకంగా ఉంటుందని సమాచారం. దీనికి ఆలియా కూడా వెంటనే గ్రీన్ సిగ్నల్ ఇచ్చేశారట. అంతేకాకుండా, మే 3 నుంచి ముంబైలో జరగబోయే షూటింగ్లో ఆమె పాల్గొనబోతున్నారని, కేవలం రెండు రోజుల్లోనే తన పాత్రకు సంబంధించిన షూటింగ్ను ఆలియా పూర్తి చేయనున్నారని సమాచారం. ‘తుంబాడ్’ లాంటి రా అండ్ రస్టిక్ చిత్రంలో ఆలియా భట్ లాంటి స్టార్ హీరోయిన్ మెరవబోతుండటం సినిమాపై అంచనాలను ఒక్కసారిగా పెంచేసింది.
కేవలం ఆలియా భట్ మాత్రమే కాకుండా, ఈ సినిమాలో మరో వర్సటైల్ యాక్టర్ నవాజుద్దీన్ సిద్దిఖీ ఒక పవర్ఫుల్ పాత్రలో నటించబోతున్నారు. సోహం షా, నవాజుద్దీన్ వంటి ఇద్దరు దిగ్గజ నటులు కలిసి నటిస్తుండటంతో, ఈ సీక్వెల్ నటన పరంగా కూడా నెక్స్ట్ లెవల్లో ఉండబోతోంది. మొదటి భాగంలో చూపించిన హస్తర్ పురాణాలలోని మరిన్ని రహస్యాలను, చీకటి కోణాలను ఈసారి మేకర్స్ ఎంతో గ్రాండ్గా చూపించబోతున్నారు. ఈ సినిమా కోసం ముంబైలో సుమారు 8 ఎకరాల భారీ సెట్ వేసి, ఒక నగరాన్నే సృష్టించి షూటింగ్ జరుపుతున్నారు. మొదటి భాగానికి సహ-దర్శకత్వం వహించిన ఆదేశ్ ప్రసాద్ ఈ సీక్వెల్కు దర్శకత్వం వహిస్తున్నారు. ఈ చిత్రాన్ని డిసెంబర్ 3, 2027న ప్రపంచవ్యాప్తంగా విడుదల చేయనున్నట్లు మేకర్స్ అధికారికంగా ప్రకటించారు. పెన్ స్టూడియోస్ సమర్పణలో అత్యంత భారీ వ్యయంతో ఈ సినిమా తెరకెక్కుతోంది. ఆలియా భట్ ఎంట్రీతో ‘తుంబాడ్ 2’ ఇప్పుడు పాన్ ఇండియా స్థాయిలో ప్రకంపనలు సృష్టిస్తోంది.
