ఆరెంజ్ క్యాప్ హోల్డర్ వైభవ్.. పర్పుల్ క్యాప్ రబడా
ఐపీఎల్ 2026 సీజన్ లో 15 ఏళ్ల యువ సంచలనం వైభవ్ సూర్యవంశి బ్యాటింగ్లో విధ్వంసం సృష్టించి 'ఆరెంజ్ క్యాప్' గెలవగా, GT పేసర్ కగీసో రబడా సంచలన బౌలింగ్తో 'పర్పుల్ క్యాప్' సొంతం చేసుకున్నాడు.
దిశ, వెబ్ డెస్క్ : ఐపీఎల్ 2026 సీజన్ సరికొత్త రికార్డులతో ముగిసింది. 15 ఏళ్ల యువ సంచలనం వైభవ్ సూర్యవంశి బ్యాటింగ్లో విధ్వంసం సృష్టించి 'ఆరెంజ్ క్యాప్' గెలవగా, గుజరాత్ టైటాన్స్ (GT) పేసర్ కగీసో రబడా సంచలన బౌలింగ్తో 'పర్పుల్ క్యాప్' సొంతం చేసుకున్నాడు.
వైభవ్ సూర్యవంశి 16 మ్యాచుల్లో 48.50 సగటుతో ఏకంగా 776 పరుగులు సాధించాడు. ఇందులో ఒక సెంచరీ, 5 హాఫ్ సెంచరీలు ఉన్నాయి. అయితే అందరినీ ఆశ్చర్యపరిచింది అతని స్ట్రైక్ రేట్. ఏకంగా 237.30 స్ట్రైక్ రేట్తో, 63 ఫోర్లు మరియు 72 సిక్సర్లతో ప్రత్యర్థి బౌలర్లను ముప్పతిప్పలు పెట్టాడు. ఇంత చిన్న వయసులో ఐపీఎల్లో టాప్ స్కోరర్గా నిలవడం క్రికెట్ చరిత్రలోనే ఒక అపూర్వ రికార్డుగా క్రీడా విశ్లేషకులు అభివర్ణిస్తున్నారు.
మరోవైపు బౌలింగ్లో కగీసో రబడా 17 మ్యాచుల్లో 29 వికెట్లు పడగొట్టి అగ్రస్థానంలో నిలిచాడు. సీనియర్ బౌలర్ భువనేశ్వర్ కుమార్ (26 వికెట్లు) నుండి గట్టి పోటీ ఎదురైనప్పటికీ, రబడా తన వేగంతో గుజరాత్ టైటాన్స్ జట్టును ముందుండి నడిపించాడు. లీగ్లో ఐదుసార్లు 3-వికెట్ల ప్రదర్శన చేసిన రబడా, ప్రతి 13 బంతులకు ఒక వికెట్ చొప్పున తీసి టి20ల్లో తన క్లాస్ ఏంటో మరోసారి నిరూపించుకున్నాడు.
