టాలీవుడ్కు మరో హీరోయిన్ దొరికేసిందోచ్.. ‘ఆకాశంలో ఒక తార’ సినిమా నుంచి ఫస్ట్ లుక్ విడుదల
దుల్కర్ సల్మాన్(Dulquer Salman) ప్రస్తుతం నటిస్తున్న సినిమా ‘ఆకాశంలో ఒక తార’(Akasamlo Oka Tara).
దిశ, వెబ్డెస్క్: దుల్కర్ సల్మాన్(Dulquer Salman) ప్రస్తుతం నటిస్తున్న సినిమా ‘ఆకాశంలో ఒక తార’(Akasamlo Oka Tara). దర్శకుడు పవన్ సాదినేని(Pawan Sadineni) డైరెక్ట్ చేస్తున్న ఈ సినిమాను గీతా ఆర్ట్స్, స్వప్న సినిమా బ్యానర్లు సమర్పిస్తుండగా లైట్ బాక్స్ మీడియా బ్యానర్పై సందీప్ గుణ్ణం, రమ్య గుణ్ణం ప్రొడ్యూస్ చేస్తున్నారు. ఇక దీనికి జి.వి.ప్రకాష్ కుమార్(GV Prakash Kumar) సంగీతం అందిస్తున్నాడు. ఇక సాత్విక వీరవల్లి హీరోయిన్గా నటిస్తున్న ఈ మూవీ తెలుగు, మలయాళం, తమిళం, హిందీ భాషల్లో విడుదల కానుంది.
ఈ నేపథ్యంలో తాజాగా ఈ మూవీ నుంచి తెలుగు హీరోయిన్ ఫస్ట్ లుక్ను రిలీజ్ చేశారు మూవీ టీమ్ వెల్లడించింది. ఈ మేరకు ఎక్స్ వేదికగా .. ‘ఆమె ఆకాశం కంటే పెద్ద కలను మోస్తుంది.. ఆకాశంలో ఒక తారకు రెక్కలు ఇచ్చే కలలు కనే సాత్విక వీరవల్లిని పరిచయం చేస్తున్నాము ’ అని రాసుకొస్తూ ఆమె పోస్టర్ను విడుదల చేశారు. ఇక పోస్టర్లో హీరోయిన్ సాత్విక లంగా ఓణీ కట్టుకొని పెద్ద పెద్ద కళ్లతో, మెడలో నల్ల పూసలు, పసుపుతాడు, నుదుటన బొట్టు పెట్టుకొని రైల్లో ఓ సీటులో కూర్చొంది. చూడటానికి చాలా సంప్రదాయ గృహిణిగా కనిపించింది. ప్రస్తుతం ఇందుకు సంబంధించిన పోస్ట్ నెట్టింట వైరల్గా మారింది.
Read More..
ఒకే మూవీలో తనతో పాటు తన కో హీరోయిన్కు కూడా డబ్బింగ్ చెప్పిన హీరోయిన్ ఎవరో తెలుసా..?
