రాజా సాబ్ ప్రీ రిలీజ్ ఈవెంట్ వేళ అందరి కళ్లు అతనిపైనే అంటూ స్పెషల్ పోస్టర్ షేర్ చేసిన మూవీ టీమ్..

దిశ, వెబ్‌డెస్క్: పాన్ ఇండియా స్టార్ ప్రభాస్(Prabhas) హీరోగా మారుతి(Maruti) దర్శకత్వంలో రూపొందుతున్న భారీ చిత్రం ‘ది రాజా సాబ్’(The Raja Saab) విడుదలకు సిద్ధంగా ఉంది. ఇక ఈ సినిమాలో నిధి అగర్వాల్(Nidhi Agarwal), మాళవిక మోహనన్(Malavika Mohanan), రిద్ధి కుమార్(Riddhi Kumar) హీరోయిన్లుగా నటిస్తున్నారు. థమన్(Thaman) సంగీతం అందిస్తున్న ఈ సినిమాను పీపుల్ మీడియా ఫ్యాక్టరీపై టి.జి.విశ్వప్రసాద్, కృతి ప్రసాద్ ప్రొడ్యూస్ చేస్తున్నారు. ఈ సినిమాను పూర్తి హారర్ కామెడీ జోనర్‌లో రూపొందించారు మేకర్స్.

దీంతో ఈ సినిమాపై ప్రేక్షకుల్లో సాలిడ్ బజ్ క్రియేట్ అయింది. ఇప్పటికే రిలీజ్ అయిన ప్రమోషనల్ కంటెంట్ ఈ సినిమాపై అంచనాలను రెట్టింపు చేశాయి. అయితే ఈ మూవీ జనవరి 9న ప్రేక్షకుల ముందుకు రానుంది. ఈ నేపథ్యంలో ది రాజాసాబ్ ప్రీ రిలీజ్ ఈవెంట్‌ను ఈరోజు సాయంత్రం హైదరాబాద్‌లోని ఖైతలపూర్ గ్రౌండ్స్‌లో నిర్వహించనున్న సంగతి తెలిసిందే.

ఈ క్రమంలో తాజాగా పీపుల్ మీడియా ఫ్యాక్టరీ నిర్మాణ సంస్థ తాజాగా ఓ స్పెషల్ పోస్టర్‌ను రిలీజ్ చేస్తూ.. ‘అన్ని కళ్లు.. అన్నీ హృదయాలు.. ఒక మ్యాన్ కోసం వేచి చూస్తున్నాయి.. ది రాజా సాబ్ ప్రీ రిలీజ్ ఈవెంట్ ఈరోజు సాయంత్రం 5 గంటల నుండి స్టార్ట్ కానుంది’ అని రాసుకొచ్చింది. ఇక పోస్టర్‌లో పాన్ ఇండియా స్టార్ ప్రభాస్ హ్యాండ్ సమ్ లుక్‌లో కనిపించారు. ప్రస్తుతం ఇందుకు సంబంధించిన పోస్ట్ నెట్టింట వైరల్‌గా మారింది.

Read Similar News : ‘ది రాజా సాబ్’ నుంచి భైరవి పోస్టర్ రిలీజ్.. మాస్ లుక్‌లో కట్టిపడేస్తున్న హీరోయిన్