ఆ క్యారెక్టర్తో నాకు డేట్ చేయాలని ఉంది : నేషనల్ క్రష్ రష్మిక
టాలీవుడ్ హాటెస్ట్ పెయిర్ విజయ్ దేవరకొండ - రష్మిక మందన్నలకు నిశ్చితార్థం జరిగినట్లు కొద్దిరోజులుగా వార్తలు చక్కర్లు కొడుతున్నాయి.
దిశ, వెబ్డెస్క్: టాలీవుడ్ హాటెస్ట్ పెయిర్ విజయ్ దేవరకొండ - రష్మిక మందన్నలకు నిశ్చితార్థం జరిగినట్లు కొద్దిరోజులుగా వార్తలు చక్కర్లు కొడుతున్నాయి. కానీ ఇంతవరకూ వీరిద్దరిలో ఎవరూ స్పందించలేదు. అబద్ధమైతే కనీసం వాటిని ఖండించలేదు. సో అది నిజమేనని అభిమానులు కన్ఫర్మ్ చేసుకున్నారు. ఇక తాజాగా ఒక యూట్యూబ్ ఛానల్ లో నిర్వహించిన చిట్ చాట్ లో రష్మిక తనకు కాబోయే భర్త ఎలా ఉండాలో చెప్పిన విషయాలు వైరల్ అవుతుండగా.. అదంతా విజయ్ గురించే చెప్పిందని అభిమానులు భావిస్తున్నారు.
అదే చిట్ చాట్ లో ఒక అభిమాని మీరు ఎవరితో డేట్ చేస్తారు ? ఎవరిని పెళ్లి చేసుకుంటారు? అని అడగ్గా.. రష్మిక ఠక్కున సమాధానం చెప్పారు. యానిమేషన్ క్యారెక్టర్ నరుటో తనకెంతో ఇష్టమని, డేట్ చేయాలనుకుంటే నరుటోతో చేస్తానన్నారు. పెళ్లి చేసుకుంటే విజయ్ ని చేసుకుంటా అనడంతో.. ఆడియన్స్ కంగ్రాట్స్ చెప్పారు. రష్మిక వారికి థాంక్స్ చెప్పడంతో.. వీరిద్దరి పెళ్లి రూమర్స్.. కేవలం రూమర్స్ కాదని కన్ఫర్మ్ అయింది. అలాగే తన ఎంగేజ్మెంట్ విషయంలో అభిమానులు అనుకుంటున్నదే నిజమని, టైమ్ వచ్చినపుడు అఫీషియల్ గా చెప్తానని స్పష్టం చేశారు. ఇక విజయ్ - రష్మికల పెళ్లి 2026 ఫిబ్రవరిలో జరగనున్నట్లు తెలుస్తోంది.
Read More..
Rashmika-Vijay: విజయ్ దేవరకొండనే పెళ్లి చేసుకుంటాను.. ఎట్టకేలకు గుడ్ న్యూస్ చెప్పిన రష్మిక
