షాకింగ్ లుక్‌లో దర్శనమిచ్చిన ప్రియాంక చోప్రా.. వీడియో వైరల్

దిశ, వెబ్‌డెస్క్: గ్లోబల్ బ్యూటీ ప్రియాంక చోప్రా(Priyanka Chopra) గురించి స్పెషల్‌గా చెప్పాల్సిన పనిలేదు. ప్రస్తుతం సూపర్ స్టార్ మహేష్ బాబు(Mahesh Babu) హీరోగా దర్శకధీరుడు ఎస్.ఎస్ రాజమౌళి(SS Rajamouli) ప్రతిష్టాత్మకంగా తెరకెక్కిస్తున్న చిత్రం 'వారణాసి'(Varanasi) సినిమాలో హీరోయిన్‌గా నటిస్తోంది. ఇక ఈ సినిమాలో రుద్రగా మహేష్ బాబు, మందాకినిగా ప్రియాంక చోప్రా, కుంభగా పృథ్వీరాజ్ సుకుమారన్(Prudhvi Sukumaran) కనిపించనున్నారు. ఇక రాజమౌళి తెరకెక్కిస్తున్న ఈ సినిమా కాబట్టి ఈ చిత్రంపై భారీ అంచనాలే ఉన్నాయి.

ఇప్పటికే విడుదలైన ఫస్ట్ లుక్, టైటిల్ టీజర్‌కు ట్రెమండస్ రెస్పాన్స్ వచ్చింది. ఈ భారీ స్టార్ కాస్టింగ్‌తో బాక్సాఫీస్ వద్ద కొత్త రికార్డులు ఖాయమనే అంచనాలు వినిపిస్తున్నాయి. రాజమౌళి తండ్రి కేవీ విజయేంద్ర ప్రసాద్ అందించిన కథ ఆధారంగా 'వారణాసి'ను గ్లోబ్ ట్రాటింగ్ యాక్షన్ అడ్వెంచర్‌గా రూపొందిస్తున్నారు. ముఖ్యంగా ఆఫ్రికన్ అడవుల నేపథ్యంతో సాగే కీలక ఎపిసోడ్స్ ఈ సినిమాకు ప్రత్యేక ఆకర్షణగా నిలవనున్నాయట.

భారత్‌తో పాటు అమెరికా, యూరప్, ఆఫ్రికాలోని పలు లొకేషన్లలో షూటింగ్ జరగనుండగా, అంతర్జాతీయ టెక్నీషియన్లు ఈ ప్రాజెక్ట్‌పై పని చేస్తున్నారు. ఈ క్రమంలో తాజాగా ప్రియాంక తన ఎక్స్ వేదికగా ఓ వీడియో షేర్ చేసింది. ఇందులో బ్లాక్ కోల్ మాస్క్ వేసుకుని షాకింగ్ లుక్‌లో దర్శనమిచ్చింది. కారులో కూర్చుని.. ‘ఈ నెల హైదరాబాద్‌లో చివరి రోజు.. ఆ తర్వాత బ్లఫ్ ప్రెస్ కోసం LAకి తిరిగి వస్తాను.. అవును, నేను ఇలాగే వస్తాను.. మనకి ఎన్ని ఉన్నా స్కిన్ కేర్ ఫస్ట్’ అనే క్యాప్షన్ జోడించింది. దీంతో ఈ వీడియో కాస్త నెట్టింట వైరల్‌గా మారింది.

తిరుమల శ్రీవారి సేవలో హీరోయిన్ నిధి అగర్వాల్