'ఆయా షేర్'తో రికార్డు కొట్టిన నాని
The Paradise : 41 నిమిషాల్లోనే 100k లైక్స్ సాధించి మీడియం రేంజ్ హీరోలలో రికార్డు కొట్టేసిన ఆయా షేర్ సాంగ్.
దిశ, వెబ్ డెస్క్ : నాచురల్ స్టార్ నాని ప్రస్తుతం శ్రీకాంత్ ఓదెల దర్శకత్వంలో తెరకెక్కుతున్న ది ప్యారడైజ్ అనే చిత్రంలో నటిస్తున్నాడు. చాలా కాలం క్రితమే ఈ చిత్రానికి సంబంధించిన ఓ వీడియోను విడుదల చేశారు. అది అద్భుతమైన రీతిలో ప్రేక్షకులను ఆకట్టుకుంది. దానితో ఒక్కసారిగా ఈ చిత్రంపై ప్రేక్షకుల్లో అంచనాలు తారాస్థాయికి చేరిపోయాయి. ఇక ఇప్పటికే నాని, శ్రీకాంత్ కాంబోలో రూపొందిన దసరా మూవీ మంచి విజయాన్ని సాధించి ఉండడం, ఈ చిత్రానికి అనిరుద్ రవిచంద్రన్ సంగీతం అందిస్తుండడంతో ఆ అంచనాలు మరింతగా పెరిగాయి. ఈ సినిమాను ఆగస్టు 21వ తేదీన విడుదల చేయనున్నారు.
ఈ మూవీ విడుదల తేదీ దగ్గర పడడంతో తాజాగా ఈ మూవీ బృందం వారు ఈ సినిమా నుండి ఆయా షేర్ అంటూ సాగే మొదటి పాటను విడుదల చేశారు. ఈ సాంగ్ ప్రేక్షకులను అద్భుతమైన రీతిలో ఆకట్టుకుంటుంది. దానితో ఈ లిరికల్ వీడియో సాంగ్ ఎన్నో రికార్డులను సృష్టిస్తుంది. మీడియం రేంజ్ హీరోల లిరికల్ వీడియోలలో ఆయా షేర్ ఒక కొత్త రికార్డును సృష్టించింది. ఈ పాటకి విడుదల అయిన 41 నిమిషాల్లోనే 100k లైక్స్ లభించాయి. ఇప్పటివరకు తెలుగు సినీ పరిశ్రమలో ఉన్న ఏ మీడియం రేంజ్ హీరో నటించిన సినిమాలోని లిరికల్ వీడియోకి కూడా ఇంత తక్కువ సమయంలో ఇన్ని లైక్స్ రాలేదు. దానితో ది ప్యారడైజ్ చిత్రంలోని ఆయా షేర్ సాంగ్ అద్భుతమైన రికార్డును సొంతం చేసుకుంది.
