డైరెక్ట్ ఓటీటీలోకి రాబోతున్న కోర్ట్ రూమ్ క్రైమ్ థ్రిల్లర్ ‘ఇక్కా’.. ఎందులో స్ట్రీమింగ్ కానుందంటే?

దిశ, సినిమా: బాలీవుడ్ స్టార్ నటుడు సన్నీ డియోల్, అక్షయ్ ఖన్నా ప్రధాన పాత్రలో నటించిన లేటెస్ట్ మూవీ ‘ఇక్కా’. ఈ సినిమాను సస్పెన్స్ కోర్ట్ రూమ్ క్రైమ్ థ్రిల్లర్‌గా సిద్ధార్థ్ మల్హోత్రా తెరకెక్కిస్తున్నారు. సన్నీ డియోల్ పవర్ ఫుల్ పాత్రలో కనిపించనుండగా.. దియా మీర్జా, తిలోత్తమా శోమే, సంజీదా షేక్, ఆకాంక్ష రంజన్ కపూర్ కీలక పాత్రలో నటిస్తున్నారు. దాదాపు 29 ఏళ్ల తర్వాత సన్నీ డియోల్, అక్షయ్ ఖన్నా కలిసి స్క్రీన్ షేర్ చేసుకోబోతుండటంతో ప్రేక్షకుల్లో భారీ అంచనాలు నెలకొన్నాయి. షూటింగ్ పూర్తి చేసుకున్న ఈ సినిమా థియేటర్స్‌లోకి వస్తుందని అందరూ భావించారు. కానీ, మూవీ మేకర్స్ ఊహించని విధంగా ఈ మూవీని నేరుగా ఓటీటీలోనే రిలీజ్ చేయబోతున్నట్లు ప్రకటించి అందరికీ సర్‌ప్రైజ్ ఇచ్చారు. అయితే ఈ చిత్రానికి సంబంధించిన డిజిటల్ స్ట్రీమింగ్ హక్కులను భారీ ధరకు ప్రముఖ సంస్థ నెట్‌ఫ్లిక్స్ సొంతం చేసుకోగా.. జూలై 10 నుంచి స్ట్రీమింగ్ అందుబాటులోకి రాబోతున్నట్లు అధికారికంగా ప్రకటించారు. ‘‘కొన్ని విచారణలు కోర్టులో ముగియవు’’ఇక పోస్టర్‌పై ఉన్న కొటేషన్‌ను జోడించారు. ఈ పవర్‌ఫుల్ డైలాగ్ సినిమాపై ఆసక్తిని, సస్పెన్స్‌ను మరింతగా పెంచేస్తోంది. కోర్ట్ రూమ్ డ్రామాలు, క్రైమ్ థ్రిల్లర్ సినిమాలను ఇష్టపడే వారికి ఈ ‘ఇక్కా’ సినిమా ఓటీటీలో ఒక మంచి ఛాయిస్ కానుంది.