తెలుగు, తమిళంలో బ్లాక్ బస్టర్ హిట్.. ఇప్పుడు ఆ భాషలో విడుదలకు సిద్ధమైన కరుప్పు

దిశ, సినిమా: ఇటీవల ‘కరుప్పు’ చిత్రంతో వచ్చి బ్లాక్ బస్టర్ హిట్ అందుకున్నాడు కోలీవుడ్ స్టార్ సూర్య. త్రిష హీరోయిన్‌గా నటించగా, ఆర్జే బాలాజీ దర్శకత్వం వహించిన ఈ చిత్రం తమిళంతో పాటు తెలుగులో మే 15న వచ్చి సూపర్ సక్సెస్ అందుకుంది. రెండు భాషల్లోనూ ఈ చిత్రానికి మంచి టాక్ రావడంతో బాక్సాఫీస్ వద్ద అద్భుతమైన కలెక్షన్లను రాబట్టి.. రెండు వారాలు అవుతున్న పలు చోట్ల ఇప్పటికి థియేటర్స్‌లో సక్సెస్‌ఫుల్‌గా రన్ అవుతుంది. ఈ క్రమంలోనే తాజాగా మరో అప్డేట్ ఇచ్చారు మేకర్స్. తెలుగులో, తమిళంలో అత్యధిక ప్రేక్షకాదరణ పొందడంతో ఇప్పుడు హిందీలో రిలీజ్ చేసేందుకు ప్లాన్ చేస్తున్నారు. ఈ మేరకు హిందీ ట్రైలర్ రిలీజ్ చేస్తూ.. ‘తమిళం, తెలుగు భాషల్లో మీ అపారమైన ప్రేమను పొంది... ఇప్పుడు హిందీలో మీ ముందుకు వస్తున్నాం.. కరుప్పు హిందీ ట్రైలర్ వచ్చేసింది.. ఎమోషనల్ రైడ్‌ను వీక్షించండి’ అంటూ చెప్పుకొచ్చారు.

నాకు నిజాలు చెప్పే ధైర్యం కూడా లేదు.. ‘జన నాయగన్’ విడుదల ఆలస్యంపై హెచ్ వినోద్ షాకింగ్ కామెంట్స్!