Rakasa Movie : రాకాస’ డైరెక్టర్ మానస శర్మ బ్యాక్గ్రౌండ్ ఏంటో తెలుసా?
మొదట రచయితగా తన కెరీర్ను ప్రారంభించిన మానస శర్మ, ఆ తర్వాత ‘బెంచ్ లైఫ్’ వెబ్ సిరీస్కు దర్శకత్వం వహించింది. తాజాగా ఆమె ‘రాకాస’ చిత్రాన్ని తెరకెక్కిస్తూ దర్శకురాలిగా మరో ముందడుగు వేసింది.
దిశ, వెబ్ డెస్క్: మన తెలుగు సినిమా పరిశ్రమలో లేడీ డైరెక్టర్ల సంఖ్య చాలా తక్కువ. అందుకే ఎవరైనా కొత్తగా మహిళా దర్శకురాలు ఇండస్ట్రీకి వస్తే, ఆమె గురించి తెలుసుకోవడానికి ప్రేక్షకులు ప్రత్యేక ఆసక్తి చూపిస్తుంటారు. తాజాగా సంగీత్ శోభన్ హీరోగా, నయన్ సారిక హీరోయిన్గా రూపొందిన ‘రాకాస’ చిత్రం విడుదలకు సిద్ధంగా ఉంది. ఈ చిత్రాన్ని నిహారిక కొనిదెల నిర్మించగా, మహిళా దర్శకురాలు మానస శర్మ దర్శకత్వం వహించారు.
ఈ సినిమాను రేపు విడుదల చేయనున్న నేపథ్యంలో, ప్రమోషన్ కార్యక్రమాల్లో దర్శకురాలు మానస శర్మ కూడా చురుకుగా పాల్గొంటున్నారు. ఈమె సాంప్రదాయబద్ధమైన దుస్తుల్లో సినిమా ఈవెంట్లలో పాల్గొనడం, తక్కువగా మాట్లాడే స్వభావం, అలాగే ఆమె వేషధారణ మరియు ఫేస్ కట్ ‘ఓయ్’ సినిమా హీరోయిన్ షామిలిను గుర్తు చేసే విధంగా ఉండటం వల్ల, మానస శర్మ గురించి తెలుసుకోవడానికి ప్రేక్షకులు ఎక్కువ ఆసక్తి చూపిస్తున్నారు. దీంతో ఆమె బ్యాక్గ్రౌండ్ ఏమిటి? ఇంతకుముందు ఏ ప్రాజెక్టులకు పనిచేశారు? అనే విషయాలపై చర్చ జరుగుతోంది.
మానస శర్మ ఆంధ్రప్రదేశ్ రాష్ట్రంలోని శ్రీకాకుళం జిల్లా నుంచి సినిమా పరిశ్రమలోకి అడుగుపెట్టారు. ప్రారంభంలో రచయితగా పలు చిత్రాలకు పనిచేసిన ఆమె, ఆ తర్వాత నిహారిక నిర్మించిన ‘బెంచ్ లైఫ్’ వెబ్ సిరీస్కు దర్శకత్వం వహించారు. ఈ వెబ్ సిరీస్ ప్రస్తుతం సోనీ లివ్ ఓటీటీలో స్ట్రీమింగ్ అవుతోంది. ఇక ‘రాకాస’ చిత్రం మంచి విజయాన్ని సాధిస్తే, తెలుగు మహిళా దర్శకురాలిగా మానస శర్మ ట్రెండ్ సెట్టర్గా నిలిచే అవకాశముందని టాలీవుడ్ సినీ వర్గాలు అభిప్రాయపడుతున్నాయి.
