శాకాంబరీ దేవిగా వన దుర్గ భవాని..

దిశ, పాపన్నపేట: ఆషాడ మాసం మొదటి ఆదివారాన్ని పురస్కరించుకుని శ్రీ ఏడుపాయల వనదుర్గామాత శాకంబరీ దేవి రూపంలో భక్తులకు దర్శనమిచ్చారు. వేకువజామునే అమ్మవారికి అభిషేకం, అర్చనలు నిర్వహించి వివిధ రకాల కూరగాయలతో అమ్మవారిని అందంగా అలంకరించి ప్రత్యేక పూజలు నిర్వహించారు. శాకాంబరీ దేవి రూపంలో అమ్మవారు శోభాయమానంగా భక్తులకు దర్శనమిచ్చారు. ఆదివారం సెలవు దినం కావడంతో జిల్లాలోని వివిధ ప్రాంతాలతో పాటు పొరుగు జిల్లాల నుంచి భక్తులు అధిక సంఖ్యలో తరలి రావడంతో ఆలయ పరిసరాలు కిక్కిరిసిపోయాయి. భక్తులు మంజీరా నది పాయలు, చెక్ డ్యామ్ లో పుణ్య స్నానాలు ఆచరించి వనదుర్గాదేవి దర్శనానికి బారులు తీరారు.