క్రేజీ కాంబో గురూ.. మలయాళ డైరెక్టర్‌తో బాలయ్య సినిమా..!

దిశ, వెబ్‌డెస్క్: గాడ్ ఆఫ్ మాసెస్ నందమూరి బాలకృష్ణ(Balakrishna) గురించి స్పెషల్‌గా చెప్పాల్సిన పనిలేదు. బాల నటుడిగా ఇండస్ట్రీలో అడుగు పెట్టిన ఆయన 65 ఏళ్ల వయసులోనూ ఏమాత్రం కుర్రహీరోలకు తగ్గకుండా సినిమాల విషయంలో గట్టి పోటీ ఇస్తున్నాడు. బాలయ్య బాబు సినిమా అంటే పక్కా బ్లాక్ బస్టర్ అనే స్థాయికి చేరుకున్నాడు. ఇక ఆయన రీసెంట్‌గా అఖండ(Akhanda) మూవీకు సీక్వెల్‌గా వచ్చిన ‘అఖండ 2’(Akhanda-2 Thandavam)తో బాక్సాఫీస్ దగ్గర మిక్స్డ్ రెస్పాన్స్ అందుకున్నాడు. ఈ సినిమాను దర్శకుడు బోయపాటి శ్రీను(Boyapati Sreenu) డైరెక్ట్ చేశాడు.

ఇక ఈ సినిమా తర్వాత బాలయ్య తన నెక్స్ట్ చిత్రాన్ని దర్శకుడు గోపీచంద్ మలినేని(Gopinchand Malineni) డైరెక్షన్‌లో తెరకెక్కించేందుకు సిద్ధమవుతున్నారు. ఇప్పటికే ఈ సినిమా పూజా కార్యక్రమాలతో లాంచ్ అయింది. ‘NBK111’ అనే వర్కింగ్ టైటిల్‌తో రూపొందనున్న ఈ సినిమాలో స్టార్ బ్యూటీ నయనతార(Nayanatara) హీరోయిన్‌గా నటించనుంది. ఇదే సమయంలో టాలీవుడ్‌లో మరో ఆసక్తికర వార్త హల్‌చల్ చేస్తోంది. మలయాళ సినీ పరిశ్రమకు చెందిన స్టైలిష్ యాక్షన్ దర్శకుడు హనీఫ్ అడెని(Haneef Adeni)తో బాలకృష్ణ ఓ భారీ చిత్రం చేయబోతున్నారనే ప్రచారం జోరందుకుంది.

ఈ చిత్రాన్ని అగ్ర నిర్మాత దిల్ రాజు(Dil Raju) నిర్మించనున్నారని, పాన్ ఇండియా స్థాయిలో తెరకెక్కే అవకాశం ఉందని ఇండస్ట్రీ వర్గాల్లో చర్చ సాగుతోంది. అధికారిక ప్రకటన ఇంకా రాకపోయినా… ఈ కాంబినేషన్ వార్తలతోనే బాలయ్య అభిమానుల్లో భారీ అంచనాలు నెలకొన్నాయి. హనీఫ్ అడెని పేరు వినగానే స్టైలిష్ యాక్షన్, రా ఎనర్జీ, ఇంటెన్స్ విజువల్స్ గుర్తుకొస్తాయి. ఆయన సినిమాల్లో కథకన్నా ప్రెజెంటేషన్, స్క్రీన్‌పై కనిపించే ఎమోషనల్ హై మరియు యాక్షన్ ఇంపాక్ట్‌కి ఎక్కువ ప్రాధాన్యం ఇస్తారు.

ఇటీవల విడుదలైన ‘మార్కో’ సినిమాతో దక్షిణాది ప్రేక్షకుల దృష్టిని ఆకర్షించిన హనీఫ్… హింసాత్మక సన్నివేశాలపై విమర్శలు ఎదుర్కొన్నప్పటికీ, టార్గెటెడ్ మాస్ ఆడియెన్స్‌ను బాగా మెప్పించారు. ఇలాంటి టేకింగ్ స్టైల్ బాలకృష్ణ మాస్ ఇమేజ్‌కు మరింత బలాన్నిస్తుందని సినీ విశ్లేషకులు భావిస్తున్నారు. అయితే ఈ వార్తలపై క్లారిటీ రావాలంటే మేకర్స్ నుంచి అధికారిక ప్రకటన రావాల్సి ఉంది. ఈ విషయమే కనుక నిజం అయితే మాత్రం బాలయ్య-హనీఫ్‌ల మరో తాండవం చూస్తామనే చెప్పవచ్చు.

చిరంజీవి-బాబి కొల్లి మూవీపై మరో బజ్.. ఈ క్రేజీ ప్రాజెక్టులో దురంధర్ బ్యూటీ