రవితేజ ‘ఇరుముడి’ నుంచి బిగ్ అప్డేట్.. గ్లింప్స్ రిలీజ్ డేట్ ఫిక్స్
రవితేజ హీరోగా నటిస్తున్న ఇరుముడి సినిమా గ్లింప్స్ను “ది హార్ట్ ఆఫ్ ఇరుముడి” పేరుతో జూన్ 3, 2026న విడుదల చేయనున్నట్లు మేకర్స్ ప్రకటించారు.
దిశ, వెబ్ డెస్క్: మాస్ మహారాజా రవితేజ ప్రస్తుతం ఇరుముడి అనే చిత్రంలో ప్రధాన పాత్రలో నటిస్తున్నాడు. ఈ చిత్రంలో ప్రియా భవాని శంకర్ హీరోయిన్గా కనిపించనుంది. తాజాగా ఈ సినిమా గ్లింప్స్కు సంబంధించిన అప్డేట్ను ఇస్తూ మూవీ బృందం ఓ ఆసక్తికరమైన పోస్టర్ను విడుదల చేసింది. “ది హార్ట్ ఆఫ్ ఇరుముడి” పేరుతో ఈ సినిమా గ్లింప్స్ను జూన్ 3, 2026న విడుదల చేయనున్నట్లు మేకర్స్ అధికారికంగా ప్రకటించారు. తాజాగా విడుదలైన పోస్టర్లో ఓ వ్యక్తి, చిన్నారి కలిసి ఎత్తైన ప్రదేశంలో కూర్చున్న దృశ్యం కనిపిస్తోంది.
ఈ విజువల్ సినిమాకు ఎమోషనల్ టచ్ ఉండబోతుందనే సంకేతాలను ఇస్తోంది. పోస్టర్ను బట్టి చూస్తే ఇరుముడి సినిమాలో యాక్షన్తో పాటు భావోద్వేగాలకు కూడా పెద్దపీట వేసినట్లు తెలుస్తోంది. ఈ చిత్రానికి శివ నిర్వాణ దర్శకత్వం వహిస్తుండగా, జీవీ ప్రకాష్ కుమార్ సంగీతం అందిస్తున్నారు. మైత్రీ మూవీ మేకర్స్, టీ-సిరీస్ సంస్థలు సంయుక్తంగా ఈ చిత్రాన్ని నిర్మిస్తున్నాయి. ఇప్పటికే సినిమాపై మంచి బజ్ నెలకొనగా, జూన్ 3న విడుదల కానున్న గ్లింప్స్ ప్రేక్షకులను ఆకట్టుకుంటే మూవీపై మరింత హైప్ పెరిగే అవకాశాలు కనిపిస్తున్నాయి.
