టీఆర్ఎస్‌కు భారీ షాక్ తప్పదా..? షా టార్గెట్ ఆ ఇద్దరు మంత్రులేనా..?
దిశ, తెలంగాణ బ్యూరో : రాష్ట్రంలో రాబోయే ఎన్నికలపై బీజేపీ అధిష్టానం ఫోకస్చేస్తోంది. తెలంగాణలో అధికారమే లక్ష్యంగా వ్యూహరచనకు ప్రణాళికలు చేస్తోంది. వచ్చే ఏడాది మార్చిలో జరిగే ఉత్తరప్రదేశ్ఎన్నికల అనంతరం దృష్టి మొత్తం తెలంగాణపైనే పెట్టాలని కేంద్ర అధిష్టానం యోచిస్తోంది. ఇప్పటికే రాష్ట్రంలోని రాజకీయ పరిస్థితులను ఇక్కడి బీజేపీ నేతల నుంచి తెలుసుకున్న కేంద్ర హోంశాఖ మంత్రి అమిత్ షా.. వచ్చే ఎన్నికల్లో ఏం చేసైనా సరే బీజేపీని అధికారంలోకి తీసుకురావాలని రాష్ట్ర నేతలతో చెప్పినట్లుగా తెలుస్తోంది. అయితే దీనికోసం అమిత్షా స్పెషల్టీమ్‌ను తెలంగాణకు పంపిస్తున్నట్లుగా విశ్వసనీయ సమాచారం. ఇక్కడి వాస్తవ పరిస్థితులను అమిత్షాకు ఎప్పటికప్పుడు అప్డేట్చేస్తూ పార్టీ శ్రేణుల్లో ఎవరికి టికెట్ ఇస్తే బాగుంటుందనే అంశాలను సైతం వారు పరిశీలించే అవకాశాలున్నట్లు తెలుస్తోంది. ఇప్పటికే రాష్ట్రంలో రెండు రోజుల పర్యటన చేస్తానని అమిత్షా బీజేపీ శ్రేణులకు చెప్పడంతో నేతల్లో జోష్నిండినట్లయింది.
బీజేపీలో ట్రబుల్షూటర్‌గా అమిత్షాకు పేరుంది. అయితే ఇప్పుడు ఆయన ఫోకస్తెలంగాణపై పడింది. ఎన్నికల్లో ఆయన ఎక్కడికి వెళ్లినా దాదాపు బీజేపీ విజయ దుందుభి మోగించింది. ఆ రాష్ట్రాల్లో గెలుపు కోసం చేసిన వ్యూహరచనను ఇక్కడి వాస్తవ రాజకీయ పరిస్థితులకు అనుగుణంగా తెలంగాణలోనూ తన సక్సెస్ఫార్ములాను వాడనున్నారు. అయితే టీఆర్ఎస్దూకుడుకు కళ్లెం వేయాలంటే ఎవరికి బ్రేక్వేయాలా అనే ఆలోచనలో కేంద్రం పడింది. ఈ నేపథ్యంలో టీఆర్ఎస్‌కు ట్రబుల్షూటర్‌గా పేరుపొందిన మంత్రి హరీశ్రావు, కేటీఆర్‌కు చెక్పెట్టేలా వ్యూహరచనలో ఉన్నట్లుగా తెలుస్తోంది. టీఆర్ఎస్చేసే విమర్శలను తిప్పి కొట్టేందుకు ఏడేళ్ల పాలనలో వారు చేస్తానని హామీలిచ్చి చేయని పథకాలను ప్రజల్లోకి తీసుకెళ్లాలని అమిత్షా ఢిల్లీ పర్యటనలో ఉన్న రాష్ట్ర బీజేపీ నేతలకు సూచించారు. వరి కొనుగోలు వ్యవహారంలో రాష్ట్రం అనుసరిస్తున్న విధానాలను ప్రజల్లోకి తీసుకెళ్లి టీఆర్ఎస్‌ను వీక్చేసేలా ప్లాన్చేస్తున్నారు.
టీఆర్ఎస్అధిష్టానం సగానికిపైగా స్థానాల్లో సిట్టింగ్ఎమ్మెల్యేలను మార్చే అవకాశాలున్నట్లు ప్రచారం జరుగుతోంది. అయితే ఏ నియోజకవర్గాల్లో టీఆర్ఎస్అధిష్టానం టికెట్ఇవ్వదో.. ఆ స్థానాలపై బీజేపీ స్పెషల్ఫోకస్పెట్టింది. వారిని బీజేపీలోకి చేర్చుకునేలా మాస్టర్ప్లాన్వేసింది. ఒక్కొక్కరిగా ఇప్పటికే వివరాలను సేకరించాలని బేజేపీ నేతలకు అధిష్టానం ఆదేశించినట్లు సమాచారం. అలాగే టీఆర్ఎస్లోని అసంతృప్తులను, ఉద్యమకారులతో పాటు రాష్ట్ర మంత్రివర్గంలో కీలకంగా వ్యవహరిస్తున్న ముఖ్యులను పార్టీలోకి చేర్చుకుని టీఆర్ఎస్‌ను దెబ్బకొట్టేందుకు ప్రణాళికలు రూపొందిస్తోంది. ఇప్పటికే పలువురు నేతలు టచ్‌లో ఉన్నట్లు బీజేపీ రాష్ట్ర వ్యవహారాల ఇన్‌చార్జి తరుణ్చుగ్, హుజురాబాద్ఎమ్మెల్యే ఈటల రాజేందర్ఇప్పటికే మీడియా సమావేశాల్లో స్పష్టం చేశారు. వీరేకాక రాష్ట్రం నుంచి ఉభయసభల్లో ప్రాతినిధ్యం వహిస్తున్న టీఆర్ఎస్ఎంపీలు సైతం బీజేపీలో చేరేందుకు సుముఖంగా ఉన్నట్లు తెలుస్తోంది. ఇప్పటికే కొందరు కేంద్ర నాయకత్వాన్ని కలిసినట్లు ప్రచారం జరుగుతోంది.
