వెంటనే చిన్నాను అరెస్ట్ చేయాలి: పవన్

దిశ, వెబ్ డెస్క్: వైసీపీ నేత ఊళ్ల చిన్నాను పోలీసులు అరెస్ట్ చేయాలని జనసేన అధ్యక్షుడు పవన్ కళ్యాణ్ డిమాండ్ చేశారు. శుక్రవారం ఆయన మీడియాతో మాట్లాడుతూ.. విశాఖ జిల్లా భీమిలి నియోజకవర్గంలోని నిడిగట్టులో వాలంటీర్ గా పనిచేస్తున్న ఓ వివాహితపై చిన్నా లైంగిక వేధింపులకు పాల్పడుతుండగా జనసేన, బీజేపీ కార్యకర్తలు అతడిని అడ్డుకున్నారని, దీంతో వారిపై కూడా చిన్నా దాడి చేశాడని ఆరోపించారు. వెంటనే చిన్నాను అరెస్ట్ చేసి అతడిపై నిర్భయ చట్టం కింద కేసు నమోదు చేయాలన్నారు. ఈ విషయమై డీజీపీ స్పందించాలని పవన్ కళ్యాణ్ డిమాండ్ చేశారు.