‘తీన్మార్ మల్లన్నపై‌ కుట్రలు ఆపండి’

దిశ, వెబ్‌డెస్క్: తీన్మార్ మల్లన్న నిర్వహిస్తున్న ఓ మీడియా సంస్థలో ఇటీవల పోలీసు అధికారులు రైడ్స్ చేసిన సంగతి తెలిసిందే. ఇక ఇదే విషయంపై పలువురు యువ జర్నలిస్టులు ప్రభుత్వ తీరును వ్యతిరేకిస్తున్నారు. ఈ నేపథ్యంలోనే మీడియా సంస్థలపై జరిగిన దాడి సరికాదని యంగ్ జర్నలిస్టు మనోజ్ కుమార్ అన్నారు. ఆదివారం ఆయన మీడియాతో మాట్లాడుతూ.. తెలంగాణలో ప్రతిపక్షాలు చేయలేని పని సాటి జర్నలిస్టుగా తీన్మార్ మల్లన్న చేస్తున్నారని చెప్పుకొచ్చారు. ఇటువంటి సమయంలో ప్రభుత్వ దాడులు సరికాదని.. ఈ దాడులతో టీఆర్ఎస్‌ పార్టీకే నష్టం జరుగుతుందన్నారు. వెంటనే తీన్మార్‌ మల్లన్నపై ‌జరుగుతున్న కుట్రలను ఆపాలని జర్నలిస్టు మనోజ్‌ ప్రభుత్వాన్ని, సీఎం కేసీఆర్‌ను కోరారు.