ప్రపంచంలో సంతోషంగా లేని దేశాలివే.. భారత్ ఎన్నో స్థానంలో ఉందంటే?

దిశ, వెబ్ డెస్క్: ప్రపంచంలో సంతోషకరమైన దేశాలు ఉన్నట్లు గానే. సంతోషకరంగా లేని దేశాలు కూడా ఉంటాయి. ఆ దేశంలోని అభివృద్ధి, ఆర్థిక, రాజకీయ పరిస్థితులు, ప్రజల జీవన విధానం, స్వేచ్ఛ తదితరాల ఆధారంగా ఈ జాబితాలను రూపొందిస్తారు. ఇక ప్రపంచంలో సంతోషంగా లేని దేశాల జాబితాను కూడా ప్రపంచ సంతోష నివేదిక విడుదల చేసింది. అవేంటంటే..

*అఫ్ఘనిస్తాన్

ప్రపంచంలో సంతోషంగా లేని దేశాల జాబితాలో ఇది అగ్రస్థానంలో నిలిచింది. ఈ దేశం తక్కువ ఆయుర్దాయంతో పాటు మహమ్మారికి ముందు నుంచి ఉన్న వివిధ నిరంతర సమస్యల సవాలును ఎదుర్కొంటుంది. ఇవి పౌరుల శ్రేయస్సును గణనీయంగా ప్రభావితం చేస్తున్నాయి.

* లెబనాన్

లెబనాన్ సంతోషంగా లేని దేశాల్లో రెండవ స్థానంలో నిలిచింది. ఈ దేశంలో అత్యంత సంతోషకరమైన దేశాల కంటే ఆయుర్దాయం ఎక్కువగా ఉన్నప్పటికీ సామాజిక-రాజకీయ సవాళ్లు, ఆర్థిక అస్థిరతతో సతమతమవుతోంది.

*సియెర్రా లియోన్

ఆఫ్రికాకు చెందిన ఈ దేశం తక్కువ సంతోష సూచికకు దోహదపడే ప్రత్యేకమైన సవాళ్లను ఎదుర్కొంటుంది. ఆర్థిక అసమానతలు, రాజకీయ అస్థిరత, సామాజిక అశాంతి తీవ్రంగా ఉన్నాయి.

*జింబాబ్వే

జింబాబ్వే ప్రస్తుతం అల్లకల్లోల చరిత్ర, కొనసాగుతున్న సవాళ్లతో పోరాడుతోంది. ఇది ఆ దేశంలోని మొత్తం జనాభా శ్రేయస్సును తీవ్రంగా ప్రభావితం చేస్తోంది.

*డెమొక్రాటిక్ రిపబ్లిక్ ఆఫ్ కాంగో

డెమొక్రాటిక్ రిపబ్లిక్ ఆఫ్ కాంగో సుదీర్ఘ చరిత్ర సంఘర్షణ, రాజకీయ తిరుగుబాటు, నిరంకుశ పాలన, బలవంతంగా స్థానభ్రంశం తదితర సవాళ్లను ఎదుర్కొంటుంది.

* బోట్స్వానా

ఇక్కడ సాపేక్ష స్థిరత్వం ఉన్నప్పటికీ, సామాజిక శ్రేయస్సలో వెనుబడి ఉండటంతో సంతోషంగా లేని దేశాల్లో చేరింది.

*మలావి

వేగంగా పెరుగుతున్న జనాభా, సారవంతమైన భూమి, నీటిపారుదల లేకపోవడం వంటి సవాళ్లను ఎదుర్కొంటోంది. ఈ నేపథ్యంలోనే అక్కడ పౌరులు తీవ్ర అసంతృప్తితో జీవిస్తున్నారు.

*కొమొరోస్

దేశ రాజకీయ తిరుగుబాట్లు కారణంగా ప్రపంచంలోని సంతోషంగా లేని దేశాల జాబితాలో చేరింది. ఇక్కడ ఉన్న సామాజిక-రాజకీయ దృశ్యం ప్రజలపై గణనీయంగా ప్రభావితం చూపుతోంది.

*టాంజానియా

ఈ దేశం ఆర్థిక, సామాజిక, రాజకీయ రంగాల్లో పలు తీవ్ర సవాళ్లను ఎదుర్కుంటుంది. ఇది మొత్తం దేశం శ్రేయస్సును ప్రభావితం చేస్తుంది. అందవల్లే ఆధునిక ప్రపంచాన్ని నావిగేట్ చేయడంలో విఫలమవుతుంది.

*జాంబియా

దీన్ని సెంట్రల్ ఆఫ్రికన్ ఫెడరేషన్ అని కూడా పిలుస్తారు. ఇక్కడ ఉపాధి, రాజకీయ అనిశ్చిత, సామాజిక అసమానత తదితర సవాళ్లతో పోరాడుతోంది.

ఇక భారత్ ‘ప్రపంచంలోని అత్యంత తక్కువ సంతోషకరమైన దేశంగా 12వ స్థానంలో ఉంది.