ఆకాశంలో ఢీకొన్న రెండు విమానాలు.. పూర్తిగా కాలిపోవడంతో ఇద్దరు పైలట్ల మృతి (వీడియో)

దిశ, వెబ్‌డెస్క్: రెండు వైమానిక దళం విమానాలు ఒకదానినొకటి ఢీకొనడంతో మంటలు చేలరేగి కాలి బూడిదయ్యాయి. ఈ ప్రమాదంలో విమానంలో ఉన్న ఇద్దరు పైలట్లు సజీవ దహనం అయ్యారు. ఈ ఘోర సంఘటన ఇటలీ రాజధాని సమీపంలోని ఇటాలియన్ ఎయిర్ ఫోర్స్ వద్ద చోటు చేసుకుంది. కాగా ఈ ప్రమాదంలో ఢీకొట్టిన విమానాలు.. గైడోనియా మిలిటరీ ఎయిర్‌పోర్ట్ నుండి శిక్షణా మిషన్‌ కు చెందినవిగా గుర్తించారు. ట్రైనింగ్ విమానాలు రెండు ఆకాశంలో ఢీకొని నేలపై వాహనాల పార్కింగ్ ప్రదేశంలో పడిపోయాయి. దీంతో మంటలు చెలరేగి రెండు విమానాలు పూర్తి కాలిపోయాయి. దీనివల్ల ఆస్తి నష్టం జరిగిందని సంబంధిత అధికారులు తెలిపారు..