26 ఏళ్ల క్రితం కిడ్నాప్ అయిన వ్యక్తి.. తాజాగా ఎక్కడ దొరికాడో తెలిస్తే షాక్ అవుతారు..!

దిశ వెబ్ డెస్క్: చంకలో బిడ్డ నుంచుకుని, ఊరంతా వెతికినట్లు పక్కింట్లో వ్యక్తిని పెట్టుకుని చనిపోయారని అనుకున్నారు. ఈ ఘటన అల్జీరియాలో చోటుచేసుకుంది. వివరాల్లోకి వెళ్తే.. ఓమర్ బి (45) అనే వ్యక్తి 1998లో తప్పిపోయారు. కాగా అతని కోసం తన కుటుంబ సభ్యులు అంతగా వెతికినా ఆయన ఆచూకీ తెలియలేదు. ఈ నేపథ్యంలో ఓమర్‌ని ఎవరో కిడ్నాప్ చేసి చంపేసి ఉంటారని కుటుంబ సభ్యులు భావించారు.

అయితే 26 సంవత్సరాల తరువాత తాజాగా ఓమర్ పక్కింట్లో ప్రత్యక్షమయ్యారు. ఈ నేపథ్యంలో ఆయన మాట్లాడుతూ తనని ఇన్నాళ్లు బంధించిన కారణంగా తాను తప్పించుకోలేకపోయినట్లు తెలిపారు. కాగా నిందితుడు విదేశాలకు పారిపోవాలని చూడగా అతనిని పోలీసులు అరెస్ట్ చేశారు. అయితే ఓమర్‌ని బంధించడానికి గల కారణాల గురించి తెలియలేదు.