నేడే చంద్రగ్రహణం.. ఎప్పుడు చూడొచ్చు, తెరిచే ఉండే ఆల‌యాలు ?

దిశ‌, వెబ్ డెస్క్‌: తెలుగు ప్రజలకు అలర్ట్. ఇవాళ సంపూర్ణ చంద్ర గ్రహణం ఉండనుంది. మధ్యాహ్నం 3:20 గంటలకు ఈ సంపూర్ణ చంద్ర గ్రహణం ప్రారంభం అవుతుంది. అయితే మన ఇండియాలో ఈ గ్రహణం చివరి దశలో ఉన్నప్పుడే కనిపిస్తుందని నిపుణులు చెబుతున్నారు. తెలుగు రాష్ట్రాలకు చెందిన వాళ్లు ఇవాళ సాయంత్రం 6:20 గంటల నుంచి 6:47 గంటల వరకు చంద్ర గ్రహణం గ్రహణాన్ని చూడవచ్చు. అంటే మ‌న తెలుగువాళ్ల‌కు కేవ‌లం 27 నిమిషాలే కీల‌కం. ఇక ఈ గ్రహణం సందర్భంగా ప్రధానంగా ప్రముఖ ఆలయాలు మూతపడతాయి. అటు ఇండియాతో పాటు ఈ సంపూర్ణ చంద్రగ్రహణం తూర్పు ఆసియా, ఆస్ట్రేలియా, అమెరికాలో కూడా కనిపిస్తుంది.

చంద్రగ్రహణం రోజున కూడా తెరిచే ఉండే ఆల‌యాలు

చంద్ర గ్రహణం వల్ల ఈ రోజు ఇండియాలోని చాలా ఆలయాలు మూతపడతాయి. అదే సమయంలో కొన్ని ఆలయాలను తెరిచే ఉంచనున్నారు. ఆంధ్రప్రదేశ్ రాష్ట్రంలోని శ్రీకాళహస్తి ఈ లిస్టులో ఉంది. తమిళనాడులోని అరుణాచలేశ్వర ఆలయం తెరిచి ఉండనుంది. కర్ణాటకలోని ఉడిపి శ్రీకృష్ణ ఆలయం, కేరళలోని తిరువరప్పు శ్రీకృష్ణ ఆలయం కూడా ఇవాళ తెరిచే ఉంటాయి. ఇక ఉత్తరాదిలో మ‌ధ్య ప్ర‌దేశ్ లోని మహాకాళేశ్వర్, ఢిల్లీలోని కల్కాజీ దేవి, బీహార్ లోని విష్ణుపద్, రాజస్థాన్ లోని లక్ష్మీనాథ్ టెంపుల్, ఉత్తరాఖండ్ లోని కల్పేశ్వర్ ఆలయాలు చంద్రగ్రహణం ఉన్నప్పటికీ తెరిచే ఉంటాయి.