రైలు నుంచి జారిపడి మహిళ మృతి!

దిశ, వెబ్ డెస్క్: కదులుతున్న రైలులోంచి జారిపడి మహిళ మృతిచెందిన ఘటన ఖమ్మం జిల్లాలో చోటు చేసుకుంది. వివరాల్లోకి వెళితే.. బోనకల్లు మండల పరిధిలోని మెటమర్రి రైల్వే స్టేషన్ వద్ద శనివారం కదులుతున్న రైలు లోంచి మహిళ జారిపడి మృతిచెందింది. మృతురాలు ఏపీలోని తెనాలి వాసిగా గుర్తించారు. అయితే.. కూతురుతోపాటు సికింద్రాబాద్ కు వెళ్తున్న ఆమె హ్యాండ్ వాష్ చేసుకునేందుకు డోర్ వద్దకు వచ్చింది. ఈ సమయంలో ప్రమాదవశాత్తు జారి కిందపడిపోయింది. అనంతరం ఆమె అక్కడికక్కడే మృతిచెందింది. పోస్టుమార్టం నిమిత్తం మృతదేహాన్ని ఆస్పత్రికి తరలించినట్లు తెలుస్తోంది.