100 శాతం స్టీల్ ప్లాంట్ అమ్మకం.. అవసరమైతే ఉద్యోగుల తొలగింపు : కేంద్రం

342
vizag steel plant

దిశ, వెబ్‌డెస్క్ : విశాఖ స్టీల్ ప్లాంట్ ప్రైవేటీకరణ విషయంలో కేంద్ర ప్రభుత్వం వెనక్కి తగ్గేలా కనిపించడం లేదు. ప్లాంట్ అమ్మొద్దని ఉద్యోగులు చెప్పడం సరికాదని, అవసరమైతే ప్రభుత్వ ఉద్యోగులను తొలగించేందుకు కూడా సిద్ధమని కేంద్రం కుండబద్ధలు కొట్టింది. ఈ మేరకు బుధవారం హైకోర్టులో అఫిడవిట్ దాఖలు చేసింది. 100శాతం స్టీల్ ప్లాంట్ అమ్ముతామని, ఇప్పటికే బిడ్డింగులు కూడా ఆహ్వానించామని అఫిడవిట్‌లో పేర్కొంది.

స్టీల్ ప్లాంట్ అమ్మొద్దంటూ దాఖలైన పిటిషన్ విచారణ అర్హత లేదని కేంద్రం స్పష్టంచేసింది. అంతేకాకుండా విశాఖ స్టీల్ ప్లాంట్ ఉద్యోగులకు రాజ్యాంగ భద్రత ఉందనేది సరికాదని కీలక వ్యాఖ్యలు చేసింది. ఇంకా పలు కీలక అంశాలను కేంద్రం హైకోర్టులో దాఖలు చేసిన అఫిడవిట్‌లో పొందుపరిచినట్లు తెలుస్తోంది. ఇదిలాఉండగా వైజాగ్ స్టీల్ ఫ్యాక్టరీని ప్రైవేటీకరించొద్దని ఏపీలో పెద్ద ఎత్తున ఉద్యమాలు నడుస్తున్న సమయంలో కేంద్రం ఇలాంటి వ్యాఖ్యలు చేయడం గమనార్హం.

గల్లీ టూ గ్లోబల్ అప్డేట్స్.. రంగులు మారే రాజకీయాలపై ఆసక్తికర విశ్లేషణలు.. దమ్మున్న వార్తలు.. ఎప్పటికప్పుడు.. వాట్సాప్ ద్వారా పొందాలంటే.. మా నెంబ‌ర్‌ +91 88864 24242 ను సేవ్ చేసుకొని, "START" అని వాట్సాప్ ద్వారా మెసేజ్ పంపండి..