విశాఖ స్టీల్ ప్లాంట్ వద్ద ఉద్రిక్తత.. భారీగా మోహరించిన పోలీసులు

దిశ, వెబ్‌డెస్క్: విశాఖ స్టీల్ ప్లాంట్ దగ్గర ఉక్కు పరిశ్రమ పరిరక్షణ పోరాట కమిటీ ఆందోళన చేపట్టింది. గురువారం ఉదయం పరిపాలనా భవనం వద్ద రక్తాన్నైనా ‘‘చిందిద్దాం.. విశాఖ ఉక్కును బతికిద్దాం’’ అంటూ పెద్ద ఎత్తున నినాదాలు చేస్తూ.. నిరసన తెలిపారు. అంతేగాకుండా.. పరిశ్రమలోకి విధులు నిర్వహించేందుకు వెళుతున్న కార్మికులను అడ్డుకొని ధర్నా నిర్వహించారు. స్టీల్ ప్లాంట్ ప్రైవేటీకరణపై ఏపీ హైకోర్టులో దాఖలు చేసిన అఫిడవిట్‌లో కేంద్ర పేర్కొన్న అంశాలపై ఆగ్రహం వ్యక్తం చేశారు. సమాచారం అందుకున్న పోలీసులు పరిపాలనా భవనం వద్ద సీఐఎస్ఎఫ్ బలగాలను రంగంలోకి దింపి, భారీగా మోహరింపజేశారు.