మరో టీఆర్ఎస్ ఎమ్మెల్యేకు చేదు అనుభవం.. ఏం జరిగిందంటే..

దిశ, మద్దూర్ : కొడంగల్ ఎమ్మెల్యే పట్నం నరేందర్ రెడ్డికి చేదు అనుభవం ఎదురైంది. భూనేడు గ్రామానికి చెందిన ప్రజలు కొత్త బస్టాండు దగ్గర ఎమ్మెల్యే ప్రయాణిస్తున్న కారును అడ్డుకున్నారు. వెంటనే స్పందించిన పోలీసులు వారిని అరెస్ట్ చేశారు.

ఈ సందర్బంగా వారు మాట్లాడుతూ.. భూనేడును మండల కేంద్రం చేయాలని ఎమ్మెల్యేకు ఎన్నిసార్లు విన్నవించుకున్నా పట్టించుకోవడం లేదన్నారు. భూనేడును మండల కేంద్రం చేయకుంటే పెద్ద ఎత్తున్న ఆందోళన కార్యక్రమాలను చేపడతామని ఎమ్మెల్యేను గ్రామస్తులు హెచ్చరించారు. అనంతరం పోలీసులు వారిని పోలీసు స్టేషన్‌కు తరలించారు.