చెడ్డీ గ్యాంగ్‌పై ఆంధ్రా పోలీసుల ఫోకస్.. ఖాకీ సినిమా‌ తరహాలో భారీ ప్లాన్

దిశ, వెబ్‌డెస్క్: వరుస దొంగతనాలతో భయభ్రాంతులకు గురిచేస్తున్న చెడ్డీ గ్యాంగ్‌పై ఆంధ్రా పోలీసులు ఫోకస్ పెట్టారు. ఇప్పటికే విజయవాడలో జరిగిన చోరీలతో ప్రమేయం ఉందని.. ఇద్దరు ముఠా సభ్యులను అరెస్ట్ చేశారు. మొత్తం ఐదుగురు చెడ్డీ గ్యాంగ్ సభ్యులను పోలీసులు గుర్తించినట్టు సమాచారం. ఈ నేపథ్యంలోనే మిగతావారిని పట్టుకునే పనిలో నిమగ్నమైన పోలీసులు టీంలు‌గా ఏర్పడ్డారు. ముఖ్యంగా ఉత్తరప్రదేశ్, మహారాష్ట్ర, మధ్యప్రదేశ్‌, గుజరాత్‌ల మీదుగా ఈ గ్యాంగ్‌ ఏపీకి వచ్చినట్టు తెలుస్తుంది. ప్రస్తుతం వచ్చిన ముఠా గుజరాత్‌లోని దాహోద్ జిల్లాకు చెందిన వారీగా నిర్ధారించిన పోలీసులు.. లా అండ్ ఆర్డర్, సీసీఎస్, టాస్క్‌ఫోర్స్, ఎస్బీ సిబ్బందితో స్పెషల్ టీంలుగా ఏర్పడి గుజరాత్ వెళ్లారు. అక్కడ గాలింపు చర్యలు చేపట్టారు.