వ్యాక్సిన్ రిజిస్ట్రేషన్‌కు ఫోటో ఐడీగా యూడీఐడీ కార్డు..

118

న్యూఢిల్లీ: కొవిన్ 2.0లో వ్యాక్సిన్ రిజిస్ట్రేషన్‌లో వికలాంగులకు ఉపయోగపడేలా కేంద్రం కీలక నిర్ణయం తీసుకుంది. ఇక నుంచి కొవిన్‌లో వ్యాక్సిన్ రిజిస్ట్రేషన్ సమయంలో యూనిక్ డిసబిలిటీ ఐడెంటెటీ కార్డు(యూడీఐడీ)ను కూడా ఫోటో ఐడీగా గుర్తించనున్నట్టు కేంద్రం సోమవారం వెల్లడించింది. ఈ మేరకు రాష్ట్రాలకు కేంద్ర పాలిత ప్రాంతాలకు కేంద్రం లేఖ రాసింది. కాగా గతంలో వ్యాక్సినేషన్‌కు ముందు కొవిన్ 2.0లో లబ్దిదారుల వెరిఫికేషన్ కోసం ఏడు ఫోటో ఐడీ కార్డులను మాత్రమే కేంద్రం అంగీకరించేది. తాజాగా వ్యాక్సిన్ రిజిస్ట్రేషన్ కోసం యూడీఐడీ కార్డును అనుమతిస్తున్న విషయాన్ని విస్తృతంగా ప్రచారం చేయాలనీ రాష్ట్రాలకు, కేంద్రపాలిత ప్రాంతాలకు లేఖలో కేంద్రం సూచించింది. దీనికి అవసరమైన నిబంధనలను ప్రస్తుతం తయారు చేస్తున్నట్టు తెలిపింది. ఈ వివరాలు త్వరలోనే కొవిన్ లో అందుబాటులోకి వస్తాయని వివరించింది.

గల్లీ టూ గ్లోబల్ అప్డేట్స్.. రంగులు మారే రాజకీయాలపై ఆసక్తికర విశ్లేషణలు.. దమ్మున్న వార్తలు.. ఎప్పటికప్పుడు.. వాట్సాప్ ద్వారా పొందాలంటే.. మా నెంబ‌ర్‌ +91 88864 24242 ను సేవ్ చేసుకొని, "START" అని వాట్సాప్ ద్వారా మెసేజ్ పంపండి..