పెద్దపల్లిలో ఘోర రోడ్డు ప్రమాదం.. ఇద్దరు మృతి

దిశ, పెద్దపల్లి : పెద్దపల్లి జిల్లా సుల్తానాబాద్ మండలం చిన్నకల్వల వద్ద ఘోర రోడ్డు ప్రమాదం చోటుచేసుకుంది. వేగంగా వచ్చిన కారు లారీని ఢీకొట్టింది. ఆ సమయంలో కారు పెద్దపల్లి నుండి కరీంనగర్‌కు వెళ్తున్నట్లు తెలుస్తోంది. ఈ ప్రమాదంలో ఇద్దరు వ్యక్తులు అక్కడికక్కడే మృతి చెందారు. మృతులు పెద్దపల్లిలోని ఓ రైస్ మిల్లులో గుమస్తాలైన శ్రీనాథ్, సత్యనారాయణ రెడ్డిలుగా స్థానికులు గుర్తించారు. సమాచారం అందుకున్న పోలీసులు ఘటనా స్థలికి చేరుకొని మృతదేహాలను ఆస్పత్రికి తరలించారు. ఈ మేరకు కేసు నమోదు చేసుకుని దర్యాప్తు చేయనున్నట్లు ఎస్‌ఐ ఉపేంద్ర రావు తెలిపారు.