టీఎస్ పీఈసెట్ దరఖాస్తు గడువు పెంపు

దిశ, తెలంగాణ బ్యూరో: టీఎస్ పీఈసెట్ దరఖాస్తు గడువును పెంచుతూ ఉన్నత విద్య మండలి ప్రకటన విడుదల చేసింది. ఈ నెల 31 వరకు ఎలాంటి లేట్ ఫీజ్ లేకుండా దరఖాస్తు చేసుకోవచ్చని సూచించింది. ఫిజికల్ ఎడ్యుకేషన్ కోర్సులు బిపిఈడి, డిపీఈడిలో ప్రవేశం కోసం ఈ కామన్ ఎంట్రెన్స్ టెస్ట్‌ను నిర్వహిస్తున్నారు. తల్లిదండ్రులు, విద్యార్థుల కోరిక మేరకు దరఖాస్తు గడువు పెంచినట్లుగా తెలిపారు. కోవిడ్ ఇబ్బందులను దృష్టిలో ఉంచుకుని నిర్ణయం తీసుకున్నామని వివరించారు. ఇతర వివరాల కోసం వెబ్‌సైట్‌ను సందర్శించాల్సిందిగా కన్వీనర్ ప్రొఫెసర్ వి.సత్యనారాయణ తెలిపారు.