మామిడిపండు తిన్న కిట్టీ.. ఎంత క్యూట్ గా ఉందో.. వీడియో వైరల్..

దిశ, వెబ్‌డెస్క్: ఇంటర్నెట్ లో పప్పీస్, కిట్టీస్, మంకీస్ కి సంబంధించిన వీడియోలు ఏవి కనిపించినా సరే.. నెటిజన్లు వాటికి ముగ్ధులవుతున్నారు. తాజాగా ఒక పిల్లిపిల్ల ఫస్ట్ టైమ్ మామిడిపండు తింటున్న వీడియో ఒకటి ఇన్ స్టాగ్రామ్ లో వైరల్ అవుతోంది. పండ్లు తినడం సాధారణమే అయినప్పటికీ.. ఈ వీడియోలో స్పెషల్ ఆ మామిడిని తింటున్న పిల్లిపిల్ల అత్యంత చిన్నది కావడమే. మామిడి కంటే చిన్నగా ఉన్న ఈ పిల్లి, ఆ ఫలాన్ని తినేందుకు చూపిన ఇంట్రెస్ట్ నెటిజన్లను ఆకట్టుకుంది. ఈ వీడియో ఇన్‌స్టాగ్రామ్‌లో 'mangocatworld' అనే హ్యాండిల్ ద్వారా షేర్ చేయబడింది. పోస్ట్ చేసిన కొద్ది సమయంలోనే ఇది 241,000 రియాక్షన్లను సొంతం చేసుకుంది.

అయితే.. చాలా మంది నెటిజన్లు పిల్లి పరిమాణంపై హాస్యాస్పద వ్యాఖ్యలు చేశారు. కొందరు పిల్లులకు మామిడి వంటి పండ్లు ఆరోగ్యకరం కాకపోవచ్చని ఆందోళన వ్యక్తం చేశారు. "ఈ పిల్లి మామిడి కంటే చిన్నది! ఇంత అందంగా ఎలా ఉంటుంది?" అని ఒకరు కామెంట్ చేశారు. "ఈ పిల్లి మామిడి ప్రపంచంలో మునిగిపోయింది," అని మరొకరు, "నా పిల్లి మామిడిని చూసి ఆడుకుంది, కానీ ఈ వీడియో చూసిన తర్వాత చిన్న ముక్కలుగా ఇచ్చి ప్రయత్నిస్తాను. ఒకవేళ సరిపడితే, సమతుల్యంగా ఇవ్వొచ్చు," అని మరొక వ్యక్తి తెలిపారు.

"కొందరికి తెలియదు కాబట్టి చెప్తున్నా, ద్రాక్ష, ఆపిల్, పీచ్ వంటి ఫలాలు పిల్లులకు విషపూరితం. ఇక్కడ కొన్ని విషపూరిత పదార్థాల జాబితా: ద్రాక్ష, పీచ్, ప్లం, చెర్రీస్, చాక్లెట్, ఉల్లిపాయ, వెల్లుల్లి, నిమ్మ, అవకాడో, టమాటో మొక్కలు, నట్స్, డైరీ ఉత్పత్తులు, మష్రూమ్, జైలిటాల్, కొన్ని గింజలు మొదలైనవి" అని ఒక వినియోగదారు హెచ్చరించారు. కాగా.. ఈ వీడియో పిల్లుల అమాయక చేష్టలను, వాటి అందమైన ప్రవర్తనను మరోసారి హైలైట్ చేసింది. అయితే.. పిల్లులకు ఆహారం ఇచ్చే ముందు జాగ్రత్తగా ఉండాలని నిపుణులు సూచిస్తున్నారు.