పవన్ కల్యాణ్ - దళపతి విజయ్.. సూపర్ AI వీడియో

దిశ, వెబ్‌డెస్క్: టాలీవుడ్ అగ్రహీరో పవర్ స్టార్ పవన్ కల్యాణ్, కోలీవుడ్ అగ్రహీరో దళపతి విజయ్.. ఈ ఇద్దరు స్టార్ హీరోలకి దక్షిణాదిలో ఉన్న మాస్ ఫాలోయింగ్ గురించి ప్రత్యేకంగా చెప్పక్కర్లేదు. వీరిద్దరూ వెండితెరపై కనిపిస్తేనే థియేటర్లు దద్దరిల్లిపోతాయి. అలాంటిది ఈ ఇద్దరు దిగ్గజాలు కలిసి ఒకే సినిమాలో, అది కూడా పవర్‌ఫుల్ పోలీస్ ఆఫీసర్లుగా నటిస్తే ఎలా ఉంటుంది? ఈ ఊహకే ఫ్యాన్స్‌కు పూనకాలు వస్తున్నాయి. తాజాగా ఇదే విషయాన్ని నిజం చేస్తూ సోషల్ మీడియాలో ఒక ఏఐ (Artificial Intelligence) వీడియో తెగ వైరల్ అవుతోంది. పవన్ కల్యాణ్ 'గబ్బర్ సింగ్', 'భీమ్లా నాయక్' మరియు తాజాగా విడుదల కాబోతున్న 'ఉస్తాద్ భగత్ సింగ్' చిత్రాల్లో పోలీస్ అధికారిగా తన మార్క్ చూపించారు. అటు విజయ్ కూడా 'తేరి' (తెలుగులో పోలీస్), 'జిల్లా' వంటి చిత్రాల్లో పోలీస్ యూనిఫాంలో మెప్పించారు. తాజా ఏఐ వీడియోలో వీరిద్దరూ ఒకే ఫ్రేమ్‌లో ఖాకీ దుస్తుల్లో, గంభీరమైన నడకతో వస్తుంటే బ్యాక్‌గ్రౌండ్‌లో వస్తున్న మాస్ మ్యూజిక్ ప్రేక్షకులను విశేషంగా ఆకట్టుకుంటోంది. ఈ ఇద్దరు "సింగం"లాంటి పోలీస్ ఆఫీసర్లు కలిసి నేరగాళ్ల వేట సాగిస్తే బాక్సాఫీస్ రికార్డులు తిరగరాయాల్సిందేనని నెటిజన్లు కామెంట్స్ చేస్తున్నారు.